ଅତିବଡୀ ଜଗନ୍ନାଥଦାସ ଏକାଡେମୀର ୩୪ତମ ବାର୍ଷିକୋତ୍ସବ ପାଳିତ
ପୁରୀ, ୨୫/୧- ସ୍ବର୍ଗଦ୍ବାର ନିକଟରେ ଥିବା ଅତିବଡ଼ୀ ଜଗନ୍ନାଥଦାସ ଏକାଡେମୀର ୩୪ତମ ବାର୍ଷିକୋତ୍ସବ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ଯ ଅତିଥି ଭାବେ ସ୍ଥାନୀୟ ବିଧାୟକଙ୍କ ପ୍ରତିନିଧି ଅମୃତ କୁମାର ମିଶ୍ର ଉତ୍ସବକୁ ଉଦଘାଟନ କରିଥିଲେ । ପୂର୍ବତନ ବାଚସ୍ପତି ସ୍ବର୍ଗତ ମହେଶ୍ବର ମହାନ୍ତି ଏହି ଅଞ୍ଚଳର ବିକାଶର ମୁଖ୍ଯ ବିନ୍ଧାଣୀ ଥିଲେ ବୋଲି ଶ୍ରୀମିଶ୍ର କହିଥିଲେ। ମୁଖ୍ଯବକ୍ତା ଭାବେ ଐତିହ୍ଯ ବିଶାରଦ ଡ. ସୁରେନ୍ଦ୍ର କୁମାର ମିଶ୍ର ଓଡ଼ିଆ ଭାଗବତ ପଠନ ଓ ଶିକ୍ଷାର ମହତ୍ତ୍ବ ସମ୍ପର୍କରେ ଆଲୋକପାତ କରିଥିଲେ । ସମ୍ମାନିତ ଅତିଥି ଭାବେ ପୂର୍ବତନ ପୌରସଦସ୍ଯ ନାରାୟଣ ପଟ୍ଟନାୟକ ଯୋଗଦେଇ ବିଦ୍ୟାଳୟ ଓ ଶିକ୍ଷାଦାନର ଉନ୍ନତି ସଂପର୍କରେ ମତବ୍ଯକ୍ତ କରିଥିଲେ । ଶିକ୍ଷୟିତ୍ରୀ ଦେବସ୍ମିତା ସାହୁ ଅତିଥିଙ୍କ ପରିଚୟ ପ୍ରଦାନ କରିଥିଲେ । ପ୍ରାଧନ ଶିକ୍ଷକ ଚନ୍ଦ୍ରଶେଖର ମିଶ୍ର ବାର୍ଷିକ ବିବରଣୀ ପାଠ ସହ ବିଦ୍ୟାଳୟର ଅଭାବ ଓ ଅସୁବିଧାର ସଂପର୍କରେ କହିଥିଲେ । ଶିକ୍ଷାବିତ ଅଜୟ କୁମାର ପଣ୍ଡା ଉତ୍ସବରେ ଅଧ୍ୟକ୍ଷତା କରିଥିଲେ । ଅମ୍ବିକା ଷଡଙ୍ଗୀ, ଭାଗ୍ଯଲକ୍ଷ୍ମୀ ସାହୁ, ପ୍ରତିମା ଚିନରା, ଚିନ୍ମୟୀ ଦାସ, ପୂଜାଲିନ୍ ପଣ୍ଡା, ସୁମନ ସରିତା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଶେଷରେ ଛାତ୍ରଛାତ୍ରୀଙ୍କ ଦ୍ବାରା ସାଂସ୍କୃତିକ ରଙ୍ଗାରଙ୍ଗ କାର୍ଯ୍ୟକ୍ରମ ପରିବେଷଣ ହୋଇଥିଲା । ଶେଷରେ ଶିକ୍ଷକ ପୁରୁଷୋତ୍ତମ ପୃଷ୍ଟି ଧନ୍ୟବାଦ ଅର୍ପଣ କରିଥିଲେ ।
ପୁରୀରୁ ରମେଶ ସାହୁଙ୍କ ରିପୋର୍ଟ
