ନବରଙ୍ଗପୁର ଜିଲ୍ଲା ରେ ସାଧାରଣତନ୍ତ୍ର କପ୍ କ୍ରିକେଟ ଟୁର୍ଣ୍ଣାମେଣ୍ଟରେ ପୋଲିସ ଦଳ ଚମ୍ପିୟାନ..
ନବରଙ୍ଗପୁର:-(ଏମ୍.ଦିନା°ଶୁ ଆଚାରୀ) ୭୬ ତମ ସାଧାରଣତନ୍ତ୍ର ଦିବସ ଉପଲକ୍ଷେ ସ୍ଥାନୀୟ କଲେଜ ପଡିଆ ଠାରେ ଚାରୋଟି ଦଳକୁ ନେଇ ସାଧାରଣତନ୍ତ୍ର କ୍ରିକେଟ କପ୍ ନିମନ୍ତେ ଏକ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି। ପ୍ରଥମ ସେମିଫାଇନାଲ ରେ ପୋଲିସ ଦଳ ଟସ୍ ଜିତି ପ୍ରଥମେ ବ୍ୟାଟିଂ କରି ମିଡ଼ିଆ ଦଳ ବିପକ୍ଷରେ ରାଇସ ଖାଁଙ୍କ ମାତ୍ର ୨୭ ଟି ବଲରେ ୧୧୦ ରନ ବଳରେ ନିର୍ଦ୍ଧାରିତ ୧୨ ଓଭର ରେ ମୋଟ ୨୦୦ରନ କରିଥିବା ବେଳେ ମିଡ଼ିଆ ଦଳ ମାତ୍ର ୬୭ ରନ୍ କରି ସମସ୍ତ ୱିକେଟ ହରାଇଥିଲେ । ସେହିପରି ଦ୍ବିତୀୟ ସେମିଫାଇନାଲ ନିର୍ଦ୍ଧାରିତ ୧୨ ଓଭର୍ ରେ ଜିଲ୍ଲା ଓକିଲ ସଂଘ ଦଳ ସମସ୍ତ ୱିକେଟ ହରାଇ ୧୨୫ ରନ କରିଥିବା ବେଳେ ଜିଲ୍ଲାପାଳ ଏକାଦଶ ୯୪ ରନ ରେ ନିଜର ସମସ୍ତ ୱିକେଟ ହରାଇ ୩୧ ରନ୍ ରେ ପରାସ୍ତ ହୋଇଥିଲେ। ଏକ ସଂଘର୍ଷ ପୂର୍ଣ୍ଣ ଫାଇନାଲ ମ୍ୟାଚରେ ଟସ୍ ଜିତି ପ୍ରଥମେ ପୋଲିସ ଦଳ ନିର୍ଦ୍ଧାରିତ ୧୨ ଓଭର୍ ରେ ୯ ୱିକେଟ ହରାଇ ୧୦୬ରନ୍ କରିଥିଲେ ଏହାର ଜବାବରେ ଜିଲ୍ଲା ଓକିଲ ସଂଘ ଦଳ ନିଜର ସମସ୍ତ ୱିକେଟ ହରାଇ ୯୮ ରନ୍ କରିବାରେ ସକ୍ଷମ ହୋଇଥିଲେ। ୮ ରନ୍ ରେ ବିଜୟ ଲାଭ କରି ପୋଲିସ ଦଳ ସାଧାରଣତନ୍ତ୍ର -୨୦୨୫ କପ୍ ହାସଲ କରି ଚମ୍ପିୟାନ ହୋଇଥିଲେ । ଏଇ ପରିପେଖିରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଅତିରିକ୍ତ ଜିଲ୍ଲାପାଳ ମହେଶ୍ୱର ନାୟକ ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବରେ ଉପ ଜିଲ୍ଲାପାଳ ପ୍ରକାଶ ମିଶ୍ର, ତହସିଲଦାର କୈଳାସ ତ୍ରିପାଠୀ, , ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ମନୋଜ ବେହେରା , ଜିଲ୍ଲା କ୍ରୀଡା ଅଧିକାରୀ ହେମନ୍ତ କୁମାର ସୌରା, ଜିଲ୍ଲା କ୍ରୀଡା ସଂଘର ସହ ସମ୍ପାଦକ ମନୋଜ କୁମାର ପଟ୍ଟନାୟକ ପ୍ରମୁଖ ଯୋଗ ଦେଇ ଖେଳାଳିଙ୍କୁ ପୁରସ୍କୃତ କରିଥିଲେ। ଜିଲ୍ଲା କ୍ରୀଡା ବିଭାଗର ନିରଞ୍ଜନ ନାୟକ ସମେତ ଅନ୍ୟ ସମସ୍ତ କର୍ମକର୍ତ୍ତା ଏବଂ ଗଣ ଶିକ୍ଷା ବିଭାଗର କ୍ରୀଡା ଶିକ୍ଷକ ମାନେ କାର୍ଯ୍ୟକ୍ରମ ସଫଳ କରିବାରେ ସହଯୋଗ କରିଥିଲେ।
