ମୋହନା ଥାନାରେ ଆଡମ୍ବର ସହ ସାଧାରଣତନ୍ତ୍ର ଦିବସ ପାଳନ ….
ଗଜପତି ଜିଲ୍ଲା ମୋହନା ବ୍ଲକ ଅନ୍ତର୍ଗତ ସମସ୍ତ ସରକାରୀ ଏବଂ ବେସରକାରୀ ସହ ଅନୁଷ୍ଠାନ ଗୁଡିକରେ ଆଜି ୭୪ତମ ସାଧାରଣତନ୍ତ୍ର ଦିବସ ପାଳନ ହୋଇଛି।ଏହି ସବୁ ଅନୁଷ୍ଠାନ ଗୁଡିକରେ ବିଭାଗୀୟ ଅଧିକାରୀ ମାନେ ନିଜ ନିଜ ବିଭାଗ ମୁଖ୍ୟ ଅନୁସାରେ ପତାକା ଉତୋଳନ କରି ଉପସ୍ଥିତ କର୍ମଚାରୀ ଏବଂ ଅନୁଷ୍ଠାନର ସମସ୍ତ କର୍ମୀଙ୍କ ସହ ଛାତ୍ର ଛାତ୍ରୀଙ୍କୁ ଦେଶ ଗଠନର ପୁରୋଧା ମାନଙ୍କ ବଳିଦାନ ସହ ସମ୍ବିଧାନ ପ୍ରଣୟନ ସମ୍ପର୍କରେ ବୁଝାଇ ଥିଲେ।ସେହିପରି ମୋହନା ଥାନାରେ ଥାନା ଅଧିକାରୀ ପ୍ରଶାନ୍ତ କୁମାର ନିଶିକା ଜାତୀୟ ପତାକା ଉତ୍ତୋଳନ କରି ସମସ୍ତ କର୍ମଚାରୀଙ୍କୁ ଉଦବୋଧନ ଦେଇଥିବା ବେଳେ ହାଇସ୍କୁଲ ଛକରେ ହୋଇଥିବା ଉତ୍ସବରେ ମଧ୍ୟ ଅତିଥିଭାବେ ଯୋଗଦେଇ ପତାକା ଉତ୍ତୋଳନ କରିଥିଲେ।ଏହାସହ ବ୍ଲକ କାର୍ଯ୍ୟାଳୟ ରେ ବିଡ଼ିଓ ତପସ୍ୱିନୀ ହଂସଦା, ତହସିଲ କାର୍ଯ୍ୟାଳୟ ଠାରେ ତହସିଲଦାର ହିମାଂଶୁ ଭୂଷଣ ପଲାଇ, ପୂର୍ତ୍ତ ବିଭାଗରେ ଇଞ୍ଜିନିୟର ପି. କେ. ସେଠୀ, ଗ୍ରାମ୍ୟ ଉନ୍ନୟନ ବିଭାଗରେ ନିର୍ବାହୀ ଯନ୍ତ୍ରୀ, ବିଭିନ୍ନ ବିଦ୍ୟାଳୟ ଗୁଡିକରେ ପ୍ରଧାନ ଶିକ୍ଷକ ଓ ଶିକ୍ଷୟିତ୍ରୀ ମାନେ ପତାକା ଉତ୍ତୋଳନ କରିଥିବା ବେଳେ ମୋହନା ପ୍ରେସ କ୍ଲବ ଠାରେ ତହସିଲଦାର ହିମାଂଶୁ ଭୂଷଣ ପଲାଇ ଅତିଥିଭାବେ ଉପସ୍ଥିତ ରହି ପତାକା ଉତ୍ତୋଳନ କରି ସମସ୍ତ ସାମ୍ବାଦିକଙ୍କୁ କର୍ତ୍ତବ୍ୟ ନିଷ୍ଟ ହୋଇ କାର୍ଯ୍ୟ ସମ୍ପାଦନ କରିବାକୁ ଉପଦେଶ ଦେଇଥିଲେ।
