ପିପୁଲ୍ସ କଲେଜ ଏନ୍ଏସ୍ଏସ୍ ମହିଳା ୟୁନିଟ୍-୨ର ସ୍ବତନ୍ତ୍ର ଶିବିର ଉଦଘାଟିତ
ବୁଗୁଡା : ତା ୨୫/୧୨/୨୪ : ସ୍ଥାନୀୟ ପିପୁଲ୍ସ କଲେଜର ଏନ୍ଏସ୍ଏସ୍ ମହିଳା ୟୁନିଟ୍-୨ର ସପ୍ତଦିବସୀୟ ସ୍ବତନ୍ତ୍ର ଶିବିର ଉଦଘାଟିତ ହୋଇଯାଇଛି । ଉକ୍ତ ଶିବିରକୁ କଲେଜ ଅଧ୍ଯକ୍ଷ ହରିକୃଷ୍ଣ ନାୟକ ଉଦଘାଟନ କରିଥିବା ବେଳେ ଏଥିରେ ଅତିଥି ଭାବେ ଆଇକ୍ୟୁଏସି କୋଅର୍ଡିନେଟର ଅକ୍ଷୟ କୁମାର ସାହୁ ଓ ଏନ୍ଏସ୍ଏସ୍ ୟୁନିଟ୍-୧ର ପ୍ରୋଗ୍ରାମ ଅଫିସର ରବିନ୍ଦ୍ର କୁମାର ପୋଲାଇ ଯୋଗ ଦେଇ ଶିବିରାର୍ଥୀଙ୍କୁ ମାର୍ଗ ଦର୍ଶନ କରିବା ସହ ଉତ୍ସର୍ଗୀକୃତ ସେବା କାର୍ଯ୍ୟ କରିବା ନିମନ୍ତେ ଉତ୍ସାହିତ କରିଥିଲେ । ଉଦଘାଟନୀ ଦିବସରେ ଉକ୍ତ ୟୁନିଟ-୨ର ପ୍ରୋଗ୍ରାମ ଅଫିସର ଅଧ୍ଯାପିକା ସସ୍ମିତା ସାମନ୍ତରାଙ୍କ ତତ୍ତ୍ବାବଧାନରେ ଶିବିରର ମୋଟ ୫୦ ଜଣ ଛାତ୍ରୀ ନିକଟସ୍ଥ କତକଲା ଗ୍ରାମକୁ ଯାଇ ସେଠାକାର ବିଭିନ୍ନ ପରିବାରକୁ ସାକ୍ଷାତ ପୂର୍ବକ ସର୍ଭେ କାର୍ଯ୍ୟ ସମ୍ପାଦନ କରିବାର କାର୍ଯ୍ୟକ୍ରମ ରହିଥିଲା । ତେବେ ୨୫ରୁ ଆରମ୍ଭ ହୋଇ ୩୧ ତାରିଖରେ ଶେଷ ହେବାକୁ ଥିବା ଉକ୍ତ ସ୍ବତନ୍ତ୍ର ଶିବିର ଅବସରରେ ସ୍ବେଚ୍ଛାସେବୀମାନଙ୍କ ଦ୍ବାରା ରାସ୍ତାଘାଟ ଓ ପୋଖରୀ ସଫେଇ , ବୃକ୍ଷ ରୋପଣ , ପଥପ୍ରାନ୍ତ ନାଟକ ମାଧ୍ୟମରେ ସ୍ବଚ୍ଛତା ସଚେତନତା , ସ୍ବାସ୍ଥ୍ୟ ପରୀକ୍ଷା , ମହିଳା ସ୍ବାସ୍ଥ୍ୟ ବିଜ୍ଞାନ କର୍ମଶାଳା ଆଦି କାର୍ଯ୍ୟକ୍ରମମାନ ଅନୁଷ୍ଠିତ ହେବା ନେଇ ପ୍ରୋଗ୍ରାମ ଅଫିସରଙ୍କଠାରୁ ପ୍ରକାଶ ପାଇଛି ।
