ପୋଖରୀରେ ବୁଡି ହାସ୍ୟ କଳାକାରଙ୍କ ଦେହାନ୍ତ, ସ୍ଥାନୀୟ ଅଂଚଳରେ ଶୋକ !

ମାହାଙ୍ଗା _କଟକ ଜିଲ୍ଲା ମାହାଙ୍ଗା ଥାନା ବିରୂପା ଗେଙ୍ଗୁଟି ଦ୍ବୀପାଞ୍ଚାଳର କୁହୁଣ୍ଡା ପଞ୍ଚାୟତ ଅମିନାବାଦ ଗାଁ’ରେ ଘଟିଛି ଅଭାବନୀୟ ଘଟଣା l
କୁହୁଣ୍ଡା ଗାଁ’ର ଶନିଶ୍ଚର ମନ୍ଦିର ନିକଟରେ ଥିବା ପୋଖରୀ ଭିତରୁ ଏକ ମୃତଦେହ ଭାସୁଥିବା ସ୍ଥାନୀୟ ଲୋକେ ଦେଖିଥିଲେ l ଏହା ଦର୍ଶନ ଜେନାଙ୍କର ବୋଲି ଚି଼ହ୍ନଟ ହୋଇଛି l ଆଜିସକାଳୁପୋଖରୀକୁଶୌଚହେବାକୁ ଯାଇଥିବା ବେଳେ ଦର୍ଶନ ଜେନାଙ୍କ ଗୋଡ ଖସିଯିବାରୁ ପୋଖରୀ ରେ ବୁଡ଼ିବଜାଇଥିଲେ।ଝିଅ ଲିଲିଜେନାଙ୍କ ଏତଲା ଆଧାରରେ କୁମୁଡା ଜୟପୁର ଫାଣ୍ଡିରେ ଏକ ଅପମୃତ୍ୟ ମାମଲା ରୁଜୁ ହୋଇଛି l ଫାଣ୍ଡି ଅଧିକାରୀ ଗୋପବନ୍ଧୁ ମଲ୍ଲିକ ଶବ ଜବତ କରି ପୋଷ୍ଟମର୍ଟମ ପାଇଁ କଟକ ପଠାଇଥିବା ସୂଚନା ମିଳିଛି।ବ୍ଲକ ଉପାଧ୍ୟାକ୍ଷ ସତ୍ୟନାରାୟଣ ମହାନ୍ତି ପ୍ରମୁଖ ଘଟଣା ସ୍ଥଳୀରେ ପହଂଚି ଶୋକସନ୍ତପ୍ତ ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି। ଦର୍ଶନ ଜେନା ଜଣେ ହାସ୍ୟ ଅଭିନେତା ଭାବେ ବୈଷ୍ଣବ ପାଣିଙ୍କ ଅନେକ ଗୀତିନାଟ୍ୟରେ ଅଭିନୟ କରି ବେଶ ପ୍ରଶଂସା ଅର୍ଜନ କରିଥିଲେ l ତାଙ୍କ ଅକାଳ ବିୟୋଗରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି l