ଶ୍ରୀ ଅରବିନ୍ଦଙ୍କ ୯୯ତମ ସିଦ୍ଧି ଦିବସ ପାଳିତ
ବୁଗୁଡ଼ା : ତା ୨୪/୧୧/୨୪ : ସ୍ଥାନୀୟ ଶ୍ରୀ ଅରବିନ୍ଦ
ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ପକ୍ଷରୁ ସ୍ବପରିସରରେ ଶ୍ରୀ
ଅରବିନ୍ଦଙ୍କ ୯୯ତମ ସିଦ୍ଧି ଦିବସ ପାଳିତ ହୋଇଯାଇଛି।
ଏ ଅବସରରେ ପ୍ରାତଃ କାଳରେ ମନ୍ତ୍ରଜପ ଓ ପୂର୍ବାହ୍ନରେ
ମାତୃ ପତାକା ଉତ୍ତୋଳନ ସହ ଶିକ୍ଷାକେନ୍ଦ୍ରର ସଭାପତି ୟୁ. ପୂର୍ଣ୍ଣଚନ୍ଦ୍ର ପାତ୍ରଙ୍କ ପୌରହିତ୍ୟରେ ଏକ ସଭାକାର୍ଯ୍ୟ
ଅନୁଷ୍ଠିତ ହୋଇଥିଲା । ଏଥିରେ ଅତିଥି ଭାବେ ଉକ୍ତ ଶିକ୍ଷାକେନ୍ଦ୍ରର ପ୍ରାକ୍ତନ ଅଧ୍ଯକ୍ଷ ପ୍ରଫୁଲ୍ଲ ଚନ୍ଦ୍ର ପାଢୀ, ବରିଷ୍ଠ ଶିକ୍ଷାବିତ୍ ରଘୁନାଥ ସାହୁ ଓ ମାତୃପ୍ରେମୀ ଟି.ସୁଦର୍ଶନ ପାତ୍ର ପ୍ରମୁଖ ଯୋଗ ଦେଇ ଛାତ୍ରଛାତ୍ରୀଙ୍କୁ ମାର୍ଗ ଦର୍ଶନ କରିବା ସହ ମହାଯୋଗୀ ଶ୍ରୀ ଅରବିନ୍ଦଙ୍କ ସିଦ୍ଧି ପ୍ରାପ୍ତ ସମ୍ପର୍କେ ଆଲୋକପାତ କରିଥିଲେ । ଏଥି ସହ ଛାତ୍ରଛାତ୍ରୀମାନେ ମଧ୍ୟ ଶ୍ରୀ ଅରବିନ୍ଦଙ୍କ ସମ୍ପର୍କେ ସ୍ବ ସ୍ବ ଅଭିଭାଷଣ ରଖିଥିଲେ । ଉକ୍ତ କାର୍ଯ୍ୟକ୍ରମର ପ୍ରାରମ୍ଭରେ ଅଧ୍ଯକ୍ଷ ହରିହର ମହାରଣା ଅତିଥି ପରିଚୟ ଏବଂ ପରିଶେଷରେ ପ୍ରଶାନ୍ତ କୁମାର ଦାସ ଧନ୍ୟବାଦ ଅର୍ପଣ କରିଥିବା ବେଳେ ଚନ୍ଦନା ମହାରଣା, ଧରିତ୍ରୀ ମହାପାତ୍ର, ବାଲ୍ମିକୀ ପାଣି, ଅନିତା ବେହେରା , ଲକ୍ଷ୍ମୀପ୍ରିୟା ଦଳେଇ , ରାଜେଶ୍ବରୀ ମହାନ୍ତି
ପ୍ରମୁଖ ଅପା ଓ ଭାଇ ପରିଚାଳନାରେ ସକ୍ରିୟ ସହଯୋଗ କରିଥିଲେ ।
