ଚତୁର୍ଦ୍ଦଶ ଲକ୍ଷ୍ମୀଧର ସ୍ମାରକୀ କ୍ରିକେଟ ଟୁର୍ଣାମେଣ୍ଟ ଆରିକମା କ୍ରିକେଟ କ୍ଲବ ବିଜୟୀ।
ବୋଲଗଡ଼,(ଉପାନ୍ତ ଖବର)ବୋଲଗଡ଼ ବ୍ଲକ ସଂପୁର ଗ୍ରାମର ବାଲୁଙ୍କେଶ୍ୱର ରାଇଜିଙ୍ଗଷ୍ଟାର କ୍ରିକେଟ କ୍ଳବ୍ ଆନୁକୁଲ୍ୟରେ ଟାଙ୍ଗୀ ପଡ଼ିଆ ଠାରେ ଆୟୋଜିତ ଚତୁର୍ଦ୍ଧଶ ତମ ଲକ୍ଷ୍ମୀଧର ସ୍ମାରକୀ କ୍ରିକେଟ ଟୁର୍ଣାମେଣ୍ଟର ସୋମବାର ଷଷ୍ଠ ଲିଗ ମ୍ୟାଚ ଅନୁଷ୍ଠିତ ହୋଇଯାଇଛି।ଏହି ମ୍ୟାଚରେ ଆରିକମା କ୍ରିକେଟ କ୍ଲବ ଓ ସଂପୁର କ୍ରିକେଟ କ୍ଲବ ମଧ୍ୟରେ ମୁକାବିଲା ହୋଇଥିଲା। ଆରିକମା ଦଳ ଟସ୍ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତି ନେଇ ୧୮.୨ ଓଭରରେ ୧୫୭ରନ ସଂଗ୍ରହକରି ସମସ୍ତ ଉଇକେଟ ହରାଇଥିଲା।ଏହାର ଜବାବରେ ସଂପୁର ଦଳ୧୯.୩ ଓଭର ଖେଳି ସମସ୍ତ ଉଇକେଟ ହରାଇ ୧୨୨ରନ କରି ପରାଜିତ ହୋଇଥିଲା।ଫଳରେ ଆରିକମା ଦଳ ବିଜୟଲାଭ କରି ପରବର୍ତ୍ତୀ ରାଉଣ୍ଡକୁ ଉନ୍ନୀତ ହୋଇଛି।ଏହି ମ୍ୟାଚକୁ ଆମ୍ପେୟର ଭାବେ ପିଣ୍ଟୁଆ ପ୍ରଧାନ ଓ ପପୁ ସିଂ ପରିଚାଳନା କରିଥିଲେ।ଅତିଥି ଭାବେ ବରିଷ୍ଠ ଶିକ୍ଷାବିତ ଗୋପୀନାଥ ଖାଡଙ୍ଗା ଉପସ୍ଥିତରହି ଖେଳାଳି ମାନଙ୍କୁ ଉତ୍ସାହିତ କରିଥିଲେ। ଆୟୋଜକ କ୍ଳବ୍ ସଭାପତି ନିରଞ୍ଜନ ନାୟକଙ୍କ ସମେତ ସଦସ୍ୟ ବାଘା,ସାଗର, ବିକାଶ,ବାବାଲି,ଗୌର ପ୍ରମୁଖ ଖେଳ ପରିଚାଳନାରେ ସହଯୋଗ କରିଥିଲେ।ମଙ୍ଗଳବାର ଖଳିସାହି ଓ ଠଣାପଲ୍ଲୀ କ୍ରିକେଟ ଦଳ ମଧ୍ୟରେ ମ୍ୟାଚ୍ ଅନୁଷ୍ଠିତ ହେବ ବୋଲି ମୁଖ୍ୟ ପରିଚାଳକ ଶାନ୍ତନୁ ଛୋଟରାୟ ସୂଚନା ପ୍ରଦାନ କରିଛନ୍ତି।
ରିପୋର୍ଟ-ସୁଶାନ୍ତ କୁମାର ପ୍ରଧାନ।
