ଅନ୍ଧାର ରେ ଗୁଣପୁର ନୂଆ ବସଷ୍ଟାଣ୍ଡ ..
ଗୁଣପୁର -(ସୁରେନ୍ଦ୍ର ମହାନ୍ତି )କଳା କିଟିକିଟି ଅନ୍ଧାରରେ ନୂଆ ବସ ଷ୍ଟାଣ୍ଡ । ଏହା କୌଣସି ସ୍ମସାନ ନୁହେ ଏ ହେଉଛି ରାୟଗଡା ଜିଲ୍ଲା ଗୁଣୁପୁର ସବ ଡିଭିଜନ ନୂଆ ବସଷ୍ଟାଣ୍ଡ । ଏବେ ଅନ୍ଧାର ରେ ବସ ଷ୍ଟାଣ୍ଡ ଅଞ୍ଚଳ । ନୂତନ ବସ ଷ୍ଟାଣ୍ଡ ଅଞ୍ଚଳ ନୂଆ ନିର୍ମାଣ ପାଇଁ ଏବେ ଅଞ୍ଚଳ ଖାଲି କରାଯାଉଛି । ତେବେ ମୁଖ୍ୟ ପ୍ରବେଶ ପଥରୁ ବିଜୁଳିବତୀ ସଂଯୋଗ ବିଚ୍ଛିନ୍ନ କରିଦିଆଯାଇଛି । ଯାହା ଫଳରେ ଯାତାୟାତ ରେ ନାହିଁ ନ ଥିବା ସମସ୍ୟାର ସମ୍ମୁଖୀନ ହେଉଛନ୍ତି ଯାତ୍ରୀ । ଅନ୍ଧକାର ସୁଯୋଗ ନେଇ ଅସାମାଜିକ କାର୍ଯ୍ୟ ବଢିବା, ଚୋରି ବଢିବା ଆଶଙ୍କା ଦେଖାଯାଇଛି । ଏନେଇ ବିଦ୍ୟୁତ ବିଭାଗ କୁ ଯୋଗାଯୋଗ କରିବାରୁ ଏଭଳି ବିଦ୍ୟୁତ ବିଚ୍ଛିନ୍ନ ତାଙ୍କ ବିଭାଗ ପକ୍ଷରୁ କରାଯାଇ ନାହିଁ । ଏସବୁ କାର୍ଯ୍ୟ ପୌର ପରିଷଦର ଦାୟିତ୍ୱ । ତେବେ ପୌର ପରିଷଦ ଏଭଳି କାର୍ଯ୍ୟ କରିଛି କି ଆଉ କିଏ ବିଚ୍ଛିନ୍ନ କରିଛି ସ୍ପଷ୍ଟ ଜଣାପଡି ନାହିଁ ।
