ମୁକ୍ତା ଯୋଜନା ପ୍ରକଳ୍ପ ନିର୍ମାଣ ପାଇଁ ଜାଗା ପରିଦର୍ଶନ କଲେ ନିର୍ବାହୀ ଅଧିକାରୀ

ମୁକ୍ତା ଯୋଜନା ପ୍ରକଳ୍ପ ନିର୍ମାଣ ପାଇଁ ଜାଗା ପରିଦର୍ଶନ କଲେ ନିର୍ବାହୀ ଅଧିକାରୀ
====================

ଗଞ୍ଜାମ -ପ୍ରଦୀପ କୁମାର ପଣ୍ଡା

ଗଞ୍ଜାମ ଏନଏସିରେ ପ୍ରତେକ ୱାର୍ଡ ରେ ବିଭିନ୍ନ ପ୍ରକଳ୍ପ ନିର୍ମାଣ ପାଇଁ 1 କୋଟି 90 ଲକ୍ଷ ମଞ୍ଜୁର କରିଛନ୍ତି ରାଜ୍ୟ ସରକାର l ମୁକ୍ତା ଯୋଜନାରେ ଆସିଥିବା ଏହି ଅନୁଦାନରେ ସହରର ଉର୍ନ୍ନତିକରଣ କରାଯିବ l ଏହାର ପ୍ରକ୍ରିୟା ଶୁକ୍ରବାର ଠାରୁ ଆରମ୍ଭ ହୋଇଛି l ଏଥିପାଇଁ ସ୍ଥାନ ଚି଼ହ୍ନଟ ସରିଛି l ଏନେଇ କାର୍ଯ୍ୟନିଵାହୀ ଅଧିକାରୀ ଅବିନାଶ ମିଶ୍ର ନିର୍ମାଣ ହେବାକୁ ଥିବା ବିଭିନ୍ନ ପ୍ରକଳ୍ପ ନିର୍ମାଣ ସ୍ଥଳ ଅନୁଧ୍ୟାନ କରିଛନ୍ତି l ୱାର୍ଡ ନ 1 ପଣ୍ଡାସାହି ଠାରେ ନିର୍ମାଣ କାର୍ଯ୍ୟ ଚାଲିଥିବା କଲ୍ୟାଣୀ ମଣ୍ଡପ ସମୁଖରେ ପାର୍କିଂ ଓ ପାର୍କ ଖୁବ ଶୀଘ୍ର ନିର୍ମାଣ କରିବାକୁ ଯୋଜନା ପ୍ରସ୍ତୁତ ହୋଇଥିବା ଏନଏସି ଈଓ ମିଶ୍ର ସୂଚନା ଦେଇଛନ୍ତି l ଏଥିପାଇଁ 10 ଲକ୍ଷ ଟଙ୍କା ବ୍ୟୟ ଅଟକଳ କରାଯାଇଥିବା ସେ କହିଛନ୍ତି l ମୁକ୍ତା ଯୋଜନାରେ ଏହି ଟଙ୍କା ଖର୍ଚ୍ଚ ହେବ l ଈଓ ଙ୍କ ଅନୁଧ୍ୟାନ ବେଳେ କନିଷ୍ଠ ଯନ୍ତ୍ରୀ ମାନସ ରଞ୍ଜନ ପଣ୍ଡା, ମୁକ୍ତା ଯୋଜନା ଅଧିକାରୀ ଚିନ୍ମୟୀ ପୃଷ୍ଟି, ମହିଳା କନିଷ୍ଠ ଯନ୍ତ୍ରୀ ବିଷ୍ଣୁ ପ୍ରିୟା ସାବତ ପ୍ରମୁଖ ଉପସ୍ଥିତ ଥିଲେ l