ଟ୍ରକ ଧକ୍କାରେ ବୃଦ୍ଧା ମୃତ,

-ଗଞ୍ଜାମ- ପ୍ରଦୀପ କୁମାର ପଣ୍ଡା

ରମ୍ଭା ଥାନା ହୁମାଫାଣ୍ଡି ଅନ୍ତର୍ଗତ 16 ନ ଜାତୀୟ ରାଜପଥ ଷ୍ଟେଟବ୍ୟାଙ୍କ ସମୁଖରେ ଅପରାହ୍ନ ତିନିଟାରେ ଏକ କଣ୍ଟେନର ଟ୍ରକ ଜଣେ ବୃଦ୍ଧାଙ୍କୁ ଧକ୍କା ଦେଇଥିଲା l ଘଟଣା ସ୍ଥଳରେ ତାଙ୍କର ମୃତ୍ୟୁ ହୋଇଥିବା ବେଳେ ଦୁର୍ଘଟଣା ପରେ ସେଠାରୁ ଖସି ପଲାଇ ଯାଉଥିବା ବେଳେ ସାମନାରେ ଯାଉଥିବା ବୋଲେରୋ ଗାଡିକୁ ଧକା ଦେଇଥିଲା l ମୃତ ବୃଦ୍ଧା ହେଲେ ଝଡ଼କୁଦା ଗ୍ରାମର ହେମ ଗୌଡ଼(65)l ଟ୍ରକର ବେଗ ଏତେ କ୍ଷିପ୍ର ଥିଲା ଯେ ଧକା ଦେବା ଫଳରେ ବୋଲେରୋଟି ଓଲଟି ପଡିଥିଲା l ବୋଲେରୋରେ ବସିଥିବା ସମସ୍ତ ପାଞ୍ଚ ଜଣ ଗରୁତ୍ବର ଆହତ ହୋଇଥିଲେ l ଖବର ପାଇ ହୁମା ଫାଣ୍ଡି ଅଧିକାରୀ ଦେବଦତ୍ତ ପ୍ରିୟଦର୍ଶୀ ଘଟଣା ସ୍ଥଳରେ ପହଂଚି ଗୁରୁତର ଆହତଙ୍କୁ ଆମ୍ବୁଲାନ୍ସ ଯୋଗେ ଛତ୍ରପୁର ମେଡିକାଲ ପଠାଇଥିଲେ l ଦୁର୍ଘଟଣା ବେଳେ ସେଠାରେ ଉପସ୍ଥିତ ଥିବା ହୁମା ପଞ୍ଚାୟତ ସମିତି ମେମ୍ବର ଧ୍ରୁବଚରଣ ପଳେଇ ଆହତଙ୍କୁ ଉଦ୍ଧାର କାର୍ଯ୍ୟରେ ସହଯୋଗ କରିଥିଲେ l