ନବରଙ୍ଗପୁର ଜିଲ୍ଲା ଠାରେ ସାମ୍ବାଦିକ ସ୍ୱର୍ଗତ ରଞ୍ଜନ ପଟ୍ଟନାୟକଙ୍କୁ ଓଜେୟୁର ଶ୍ରଦ୍ଧାଞ୍ଜଳି..
ନବରଙ୍ଗପୁର,(ଏମ୍.ଦିନା°ଶୁ ଆଚାରୀ):- ଓଡ଼ିଶା ସାମ୍ବାଦିକ ସଙ୍ଘ (ଓଜେୟୁ) ତରଫରୁ ସାମ୍ବାଦିକ ସ୍ୱର୍ଗତ ରଞ୍ଜନ ପଟ୍ଟନାୟକଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି। ଆଜି ମଧ୍ୟାହ୍ନରେ ଓଡ଼ିଶା ସାମ୍ବାଦିକ ସଙ୍ଘ ଜିଲ୍ଲା ସଭାପତି ଶିବ ଶଙ୍କର ତ୍ରିପାଠୀଙ୍କ ଆବାହକତ୍ୱରେ ଜିଲ୍ଲା ସୁଚନା ଓ ଲୋକ ସମ୍ପର୍କ କାର୍ଯ୍ୟାଳୟ ସଭଗୃହରେ ଅନୁଷ୍ଠିତ ହୋଇଥିବା ଏହି ଶ୍ରଦ୍ଧାଞ୍ଜଳୀ ସଭାରେ ମୁଖ୍ୟ ଅତିଥି ଭାବେ ସୂଚନା ଓ ଲୋକସଂପର୍କ ଅଧିକାରୀ ମନୋଜ ବେହେରା ଯୋଗ ଦେଇଥିବା ବେଳେ ମୁଖ୍ୟ ବକ୍ତା ଭାବେ ଲେଖକ ବିଜୟ ଚୌଧୁରୀ, ସଙ୍ଘର ରାଜ୍ୟ ସମ୍ପାଦକ ବାଙ୍କ ବିହାରୀ ବିଷୋୟୀ ମଞ୍ଚାସିନ ଥିବା ବେଳେ ଓ ସଙ୍ଘର ରାଜ୍ୟ ଉପଦେଷ୍ଟା ରାକେଶ ଗୁପ୍ତା ମଞ୍ଚ ପରିଚାଳନା କରିଥିଲେ।
ସ୍ଵଗର୍ତ ରଞ୍ଜନ ପଟ୍ଟନାୟକ ସାମ୍ବାଦିକ ଥିବା ସହ ଜଣେ କର୍ମଠ ବ୍ୟକ୍ତି, ସମାଜସେବୀ, ରାଜନେତା ଓ ଦକ୍ଷ ସଭା ସଂଯୋଜକ ଥିଲେ। ତାଙ୍କ ଭଳି ବ୍ୟକ୍ତିତ୍ବଙ୍କ ବିୟୋଗରେ ସଙ୍ଗଠନ ଓ ସାମ୍ବାଦିକ ମହଲରେ ଏକ ବିରାଟ ଶୂନ୍ୟ ସ୍ଥାନ ସୃଷ୍ଟି ହେଲା ବୋଲି ବକ୍ତା ମାନେ ମତବ୍ୟକ୍ତ କରିଥିଲେ। ଦୀର୍ଘ ଚଉଦ ବର୍ଷ ଧରି ସେ ମୁଖ କର୍କଟ ରୋଗରେ ପୀଡିତ ଥିବା ସତ୍ତ୍ବେ ପ୍ରତିଦିନ କିପରି ତାଙ୍କ ଖବରକାଗଜରେ ଖବର ପ୍ରସାରଣ ହେବ ସେ ବିଷୟରେ ତତ୍ପରତା ଦେଖାଉ ଥିଲେ । ଯେକୌଣସି ସାମ୍ବାଦିକଙ୍କ ଅଫିସ ଗତ କିମ୍ୱା ନିଜସ୍ଵ ଅସୁବିଧାରେ ସଙ୍ଗେ ସଙ୍ଗେ ସାହାଯ୍ୟର ହାତ ବଢ଼ାଇ ଆସୁଥିଲେ।
ଆଜିର ଏହି ସଭାରେ ଓଜେୟୁ ତରଫରୁ ଜିଲ୍ଲା ସମ୍ପାଦକ ଜାନକୀ କାନ୍ତ ବିଷୋୟୀ, କୋଷାଧ୍ୟକ୍ଷ ଦେବୀ ପ୍ରସାଦ ମହାପାତ୍ର, ଶିବ ଶଙ୍କର ବିଷୋୟୀ, ବିଷ୍ଣୁ ବିଷୋୟୀ, ପିଣ୍ଟୁ ଶତୃଶଲ୍ୟ ନିଜ ଶ୍ରଦ୍ଧାଞ୍ଜଳି ଭାବ ବ୍ୟକ୍ତ କରିଥିଲେ । ଅନ୍ୟ ଆମନ୍ତ୍ରିତ ସାମ୍ବାଦିକ ମାନଙ୍କ ମଧ୍ୟରୁ କିଶୋର ପଟ୍ଟନାୟକ, ରବି ପଟ୍ଟନାୟକ, ଏ. ସତୀଶ, ପ୍ରଭଞ୍ଜନ ତ୍ରିପାଠୀ, ଫାଲଗୁନି ପାତ୍ର, ଦେବୀ ପ୍ରସାଦ ପଟ୍ଟନାୟକ, ଶିବ ପ୍ରସାଦ ପଣ୍ଡା, ଦୁର୍ଗା ପ୍ରସାଦ ପାଢ଼ୀ ପ୍ରମୁଖ ରଞ୍ଜନ ପଟ୍ଟନାୟକଙ୍କ ସହ ନିଜ ନିଜ ଅନୁଭୂତି ବଖାଣିବା ବେଳେ ସଭା ଗୃହରେ ଭାବ ବିହ୍ୱଳ ପରିବେଶ ସୃଷ୍ଟି ହୋଇ ଉଠିଥିଲା।
