ଅସହାୟ ବୃଦ୍ଧ ବୃଦ୍ଧା ମାନଙ୍କୁ ଶୀତ ବସ୍ତ୍ର ବଣ୍ଟନ 

ଗଞ୍ଜାମ :, ପ୍ରଦୀପ କୁମାର ପଣ୍ଡା

ଛତ୍ରପୁର ରାଧେଶ୍ୟାମ ଫାଉଣ୍ଡେସନ ଏଣ୍ଡ ଚାରିଟେବୁଲ ଟ୍ରଷ୍ଟ ପକ୍ଷରୁ ଗଞ୍ଜାମ ବ୍ଲକ ୟୁଡ଼ିଏସ ପୁର ଗ୍ରାମ ପଂଚାୟତ ର ବାଳସିଂହ ପଲ୍ଲୀ ଗ୍ରାମରେ ଅସହାୟ ବୃଦ୍ଧ ବୃଦ୍ଧା ମାନଙ୍କୁ ଶୀତ ବସ୍ତ୍ର ବଣ୍ଟନ କରାଯାଇଛି । ଟ୍ରଷ୍ଟ ର ସଭାପତି ତଥା କାଉନସିଲର ଦେବାଶିଷ ମିଶ୍ର ଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମ ରେ ଋଷିକୂଲ୍ୟା ରୟତ ମହାସଭାର ସମ୍ପାଦକ ସିମାଞ୍ଚଳ ନାହାକ, ଦଳିତ ମହିଳା ସଂଗଠନ ର ସଭାନେତ୍ରୀ ମିନି ମହାପାତ୍ର, ସମାଜସେବୀ ତଥା ସାମ୍ବାଦିକ ଉମାକାନ୍ତ ବେହେରା, ଦୁର୍ଗାମାଧବ ପାଣିଗ୍ରାହୀ, ପ୍ରଶାନ୍ତ କୁମାର ମହାରଣା, ଅଟଳ ବିହାରୀ ପଟ୍ଟନାୟକ,ସନ୍ତୋଷ ସାହୁ,ସୁବ୍ରତ ପଢିଆରୀ ଓ ସନ୍ତୋଷ କୁମାର ସାହୁ ପ୍ରମୁଖ ଯୋଗଦେଇ ସ୍ଥାନୀୟ ବଳସିଂହ ପଲ୍ଲୀ, ଉମୁରୀ ଧର୍ମ ଶରଣ ପୁର ଓ ଖଟିଆ ରାମଚନ୍ଦ୍ର ପୁର ତିନୋଟି ଗ୍ରାମର ୫୪ଜଣ ବୃଦ୍ଧ ବୃଦ୍ଧା ଙ୍କୁ ଶୀତ ବସ୍ତ୍ର ବଣ୍ଟନ କରିଥିଲେ । ଏହା ସହିତ ସେମାନଙ୍କ ବିଭିନ୍ନ ଅସୁବିଧା ସମ୍ପର୍କ ପଚାରି ବୁଝିଥିଲେ l ସମସ୍ତ କାର୍ଯ୍ୟକ୍ରମକୁ ସିମାଞ୍ଚଳ ନାହାକ ଓ ମିନି ମହାପାତ୍ର ପରିଚାଳନାରେ ସହଯୋଗ କରିଥିଲେ ।