ମାଆଙ୍କୁ ମାଡମାରି ଦେହରେ ନିଆଁ ଲଗାଇବା ଅଭିଯୋଗରେ ପୁଅ ଗିରଫ
ମାଆଙ୍କୁ ମାଡମାରି ଦେହରେ ନିଆଁ ଲଗାଇବା ଅଭିଯୋଗରେ ପୁଅ ଗିରଫ 
ବୁଗୁଡ଼ା : ତା ୨୨/୦୫/୨୩ : ବୁଗୁଡ଼ା ଥାନା ଅନ୍ତର୍ଗତ ବାରିକପଲ୍ଲୀ ଗ୍ରାମର ଜଣେ ଯୁବକ ତାଙ୍କ ମାଆଙ୍କୁ ମାଡମାରିବା ସହ ଦେହରେ ନିଆଁ ଲଗାଇ ଦେବା ଅଭିଯୋଗରେ ସ୍ଥାନୀୟ ପୋଲିସ ଯୁବକ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି । ଗିରଫ ଯୁବକ ଜଣକ ହେଲେ ହେଲେ ବାରିକପଲ୍ଲୀ ଗ୍ରାମର ହରି ଶଙ୍କର ଦାସ (୩୫) । ଏ ନେଇ ବୁଗୁଡା ଥାନାରେ କେସ୍ ନଂ ୩୪୧/୨୩ରେ ଏକ ମାମଲା ରୁଜୁ ହୋଇଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି ।ପ୍ରକାଶ ଯେ , ହରି ଶଙ୍କର ମଦ ପିଇବା ପାଇଁ ତାଙ୍କ ସ୍ତ୍ରୀ ଓ ମାଆଙ୍କୁ ପ୍ରତିଦିନ ଟଙ୍କା ମାଗିବା ସହ ମାରଧର କରୁଥିଲେ । ସ୍ବାମୀର ଦୈନିକ ଅତ୍ଯାଚାର ସହ୍ଯ କରି ନ ପାରି ସ୍ତ୍ରୀ ବିରଞ୍ଚିପୁର ଗ୍ରାମରେ ଆସି ଆଶ୍ରୟ ନେଉଥିଲେ । ରବିବାର ଦିନ ରାତିରେ ହରି ଶଙ୍କର ତାଙ୍କ ମାଆଙ୍କୁ ମଦ ପିଇବା ପାଇଁ ଟଙ୍କା ମାଗିଥିଲେ । ଏଥିରେ ମାଆ ଅମଙ୍ଗ ହେବାରୁ ପୁଅ ଘରର ଜିନିଷପତ୍ର ଫିଙ୍ଗା ଫୋପଡ଼ା କରି ମାଆଙ୍କୁ ନିସ୍ତୁକ ମାଡ ମାରିବା ସହ ଦେହରେ ନିଆଁ ଲଗାଇ ଦେଇଥିଲେ । ମାଆଙ୍କ ଚିତ୍କାର ଶୁଣି ପାଖ ପଡୋଶୀ ସେଠାରେ ପହଞ୍ଚି ତାଙ୍କୁ ଉଦ୍ଧାର କରିଥିଲେ । ଏ ନେଇ ମାଆ ତାଙ୍କ ପୁଅ ବିରୁଦ୍ଧରେ ଥାନାରେ ଅଭିଯୋଗ କରିଥିଲେ ।
