ବାଇକ୍ ଧକ୍କାରେ ବାଳକ ଗୁରୁତର…

ବୁଗୁଡା : ତା ୨୨/୦୩/୨୪ : ବୁଗୁଡା ଥାନା ଅନ୍ତର୍ଗତ ପଥରବଣି ଗ୍ରାମରେ ବାଇକ୍ ଧକ୍କାରେ ଜଣେ ବାଳକ ଗୁରୁତର ହୋଇଥିବା ଜଣାଯାଇଛି । ଗୁରୁତର ଜଣକ ହେଲେ ପଥରବଣି ଗାଁର ରାହୁଲ ନାୟକ (୮) । ପ୍ରକାଶ ଯେ, ତୃତୀୟ ଶ୍ରେଣୀରେ ପଢୁଥିବା ରାହୁଲ ଘରୁ ବାହାରି ଟିଉସନକୁ ଯାଉଥିବା ବେଳେ ଦ୍ରୃତ ଗତିରେ ଏକ ବାଇକ୍ ଆସି ସାମନା ପଟୁ ତାକୁ ଧକ୍କା ଦେଇଥିଲା । ବାଳକ ଜଣକ ଧକ୍କାରେ ଫୋପାଡି ହୋଇ ଖଣ୍ଡେ ଦୂରରେ ପଡି ଆହତ ହୋଇଥିଲା । ସ୍ଥାନୀୟ ଲୋକଙ୍କ ସହାୟତାରେ ତାକୁ ସେଠାରୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବୁଗୁଡା ମେଡିକାଲକୁ ଅଣାଯାଇଥିଲା । ବାଳକଟିର ଡାହାଣ ଗୋଡ ଓ ବାମ ପାଦରେ ସାମାନ୍ୟ ଆଘାତ ଲାଗିଥିଲା ବେଳେ ମୁଣ୍ଡରେ ଗଭୀର ଆଘାତ ଲାଗିଥିଲା । ଅବସ୍ଥା ସାଙ୍ଘାତିକ ଥିବାରୁ ପ୍ରାଥମିକ ଚିକିତ୍ସା ପରେ ତାକୁ ଅଚେତ ଅବସ୍ଥାରେ ବ୍ରହ୍ମପୁରକୁ ସ୍ଥାନାନ୍ତର କରାଯାଇଥିଲା ବେଳେ ମେଡିକାଲରେ ପୋଲିସ ପହଞ୍ଚି ଘଟଣାର ତଦନ୍ତ କରୁଥିବା ଜଣାଯାଇଛି ।