ସମାଜସେବୀ ରଘୁନାଥ ପଣ୍ଡାଙ୍କ ଦ୍ଵାଦଶାହ
ବିପୁଳିଙ୍ଗି (ଛତ୍ରପୁର), 21/12 : ଜଣାଶୁଣା ସମାଜସେବୀ ତଥା ଶତାୟୁ ରଘୁନାଥ ପଣ୍ଡାଙ୍କ ଦ୍ଵାଦଶାହ ଶୁକ୍ରବାର ବିପୁଳିଙ୍ଗିସ୍ଥିତ ଶିବ ମନ୍ଦିର ପରିସରରେ ପାଳିତ ହୋଇଯାଇଛି। ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ଅଶୋକ ଚୌଧୁରୀ, ବରିଷ୍ଠ ସାମ୍ୱାଦିକ ତଥା ନବୀନର ସମ୍ପାଦକ ରବି ରଥ, ଇଂ. ମାନସ ରଂଜନ ତ୍ରିପାଠୀ, ସାମ୍ୱାଦିକ ସୁଶାନ୍ତ କର, ଛତ୍ରପୁର ଏନଏସି ଉପାଧ୍ୟକ୍ଷ ପାପା ରାଓ, ବିଶିଷ୍ଟ କମୁ୍ୟନିଷ୍ଟ ନେତା ଏସ. କ୍ରୀଷ୍ଣା, ଆଡ଼ଭୋକେଟ ଆଦି ନାରାୟଣ ରେଡ଼ି, ଛତ୍ରପୁର ପେସ୍ କ୍ଲବ ସଭାପତି ରବିନ୍ଦ୍ର ପଣ୍ଡା, ସମାଜସେବୀ ରବିନ୍ଦ୍ର ନାଥ ଦାଶ, ସୁରେଶ ଚନ୍ଦ୍ର ଦାଶ, ପୂର୍ଣ୍ଣଚନ୍ଦ୍ର ଦାଶ, ଭାଜପା ଜିଲା ସମ୍ପାଦକ ଲକ୍ଷ୍ମୀ ନାରାୟଣ ପଣ୍ଡା, କଂଗ୍ରେସ ନେତା ଆଡ଼ଭୋକେଟ ରାମଚନ୍ଦ୍ର ବେହେରା ପ୍ରମୁଖ ଉପସ୍ଥିତ ରହି ସ୍ଵର୍ଗତ ପଣ୍ଡାଙ୍କ ସ୍ମୃତିଚାରଣ କରି ବହୁମୁଖୀ ପ୍ରତିଭା ସମ୍ପର୍କରେ ଆଲୋଚନା କରିଥିଲେ। ସ୍ଵର୍ଗତ ପଣ୍ଡାଙ୍କ ନାତି ସାମ୍ୱାଦିକ ଅରୁଣ କୁମାର ପଣ୍ଡା କାର୍ଯ୍ୟକ୍ରମ ଆୟୋଜନ କରିଥିଲେ। ବିଭିନ୍ନ ଅଞ୍ଚଳରୁ ଶତାଧିକ ପୁରୁଷ ମହିଳା ସାମିଲ ହୋଇଥିଲେ।
