ଘେନୁପାଲିରେ ଗଞ୍ଜାଇ ସହ ମହିଳା ଗିରଫ…

ସମ୍ବଲପୁର: ପଡିଆବାହାଲ ନିକଟସ୍ଥ ଘେନୁପାଲି ପଞ୍ଚାୟତର ପଞ୍ଚାୟତ କାର୍ଯ୍ୟାଳୟ ସାମ୍ନାରେ ଗଞ୍ଜାଇ ସହ ଜଣେ ମହିଳାଙ୍କୁ ଅବକାରୀ ବିଭାଗ ଗିରଫ କରି ଆଜି କୋର୍ଟ ଚାଲାଣ କରିଛି।ମିଳିଥିବା ସୂଚନା ମତେ ଘେନୁପାଲି ଅଞ୍ଚଳର ୩୧ ବର୍ଷିୟ ମହିଳା ଚନ୍ଦ୍ରକାନ୍ତି ଦାଶ ୭ କେଜି ଗଞ୍ଜାଇ ଧରି ପଞ୍ଚାୟତ କାର୍ଯ୍ୟାଳୟ ସାମନାରେ ପରିବହନ କରିବାକୁ ମଙ୍ଗଳବାର ସକାଳେ ଅପେକ୍ଷା କରି ରହିଥିବା ବେଳେ ସମ୍ବଲପୁର ଅବକାରୀ ବିଭାଗର ଗୋଇନ୍ଦା ଦଳ ଚନ୍ଦ୍ରକାନ୍ତିଙ୍କୁ କାବୁ କରି ତାଠାରୁ ୭ କେଜି ଗଞ୍ଜାଇ ଜବତ କରି ଗିରଫ କରିଥିଲେ ।ଏହି ଗଞ୍ଜାଇ ବ୍ୟବସାୟ ନିତିଦିନିଆ ହୋଇଥିବା କୌଣସି ସୂତ୍ରରୁ ଖବର ପାଇ ଚନ୍ଦ୍ରକାନ୍ତିଙ୍କୁ କାବୁ କରିବାକୁ ଅବକାରୀ ଗୋଇନ୍ଦା ଛପି ରହି ଶେଷରେ ଏଥିରେ ସଫଳ ହୋଇଥିଲେ।