ମହିଳାଙ୍କ ମୃତଦେହ ଉଦ୍ଧାର, ମୃତକ ଙ୍କ ପରିବାର ଆଣିଲେ ହତ୍ୟା ଅଭିଯୋଗ

ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅନ୍ତର୍ଗତ ବାଲିଛାଇ ଗ୍ରାମର କୁକନୀ ମାହାନ୍ତିଙ୍କ ଘରୁ ରବିବାର ଦିନ ପୋଲିସ ଜଣେ ଯୁବତୀଙ୍କ ମୃତ ଦେହ ଉଦ୍ଧାର କରିଛି l ମୃତ ଯୁବତୀ ଜଣଙ୍କ ହେଲେ ବାଲିଛାଇ ଗ୍ରାମର କୈଳାଶ ଜେନାଙ୍କ ଝିଅ ସୁଚିତ୍ରା ଜେନା l
ସୂଚନା ଅନୁସାରେ ଆଜକୁ ୬ ବର୍ଷ ତଳେ ବାଲିଛାଇ ଗ୍ରାମର କୋକନୀ ମହାନ୍ତିଙ୍କ ପୁଅ ଫିରୋଜ ମହାନ୍ତି ଆଜ ମୃତ ସୁଚିତ୍ରା ଜେନାଙ୍କୁ ଅପହରଣ କରି ନେଇ କେଉଁଆଡେ ଚାଲିଯାଇଥିଲେ l କିଛି ବର୍ଷ ପରେ ପୁଣି ନିଜ ଗ୍ରାମ ବାଲିଛାଇ କୋକନୀ ମହାନ୍ତିଙ୍କ ଘରକୁ ଫେରିଥିଲେ l କୋକନୀଙ୍କ ପରିବାର ଲୋକେ ଆଜ ମୃତ ସୁଚିତ୍ରାଙ୍କୁ ସବୁବେଳେ ବାପ ଘରକୁ ଯାଇ ଟଙ୍କା ଆଣିବା ପାଇଁ ବାଧ୍ୟ କରୁଥିଲେ l ସୁଚିତ୍ରା ବାପ ଘରକୁ ଯାଇ ଟଙ୍କା ନ ଆଣିବାରୁ ଶାଶୁ ଘର ଲୋକେ ସବୁବେଳେ ନିର୍ଯ୍ୟାତନା ଦେଉଥିଲେ ଓ 19/03/23 ରବିବାର ଦିନ ଶାଶୁଘର ଲୋକେ ସୁଚିତ୍ରାଙ୍କୁ ମାରି ଫେନରେ ଝୁଲାଇ ଦେଇଛନ୍ତି ବୋଲି ସୁଚିତ୍ରାଙ୍କ ମାଆ ଯୋଛନା ଜେନା ଥାନାରେ ଅଭିଯୋଗ କରିଛନ୍ତି l ପୋଲିସ ଘଟଣାସ୍ଥଳରେ ପହଞ୍ଚି କୋକନୀଙ୍କ ଘରୁ ଉପର ଫେନରେ ଝୁଲନ୍ତା ଅବସ୍ଥାରେ ଥିବା ସୁଚିତ୍ରାଙ୍କୁ ଉଦ୍ଧାର କରି ଆସ୍କା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ l ସେଠାରେ ଡାକ୍ତର ସୁଚିତ୍ରାଙ୍କୁ ମୃତ୍ୟୁ ଘୋଷଣା କରିଥିଲେ l ଏନେଇ ପୋଲିସ କେଶ ନମ୍ବର 173/23 ରେ କେଶ କରି ଘଟଣାର ଅଧିକ ତଦନ୍ତ ଚାଳାଇଥିବା ସୂଚନା ମିଳିଛି l