ଅବସରପ୍ରାପ୍ତ ଆୟୁର୍ବେଦ ଡାକ୍ତରଙ୍କ ପରଲୋକ
ବୁଗୁଡ଼ା : ତା ୨୧/୦୧/୨୩ : ବୁଗୁଡ଼ା ବ୍ଲକ କଲୋନୀ ନିବାସୀ ଆୟୁର୍ବେଦ ଡାକ୍ତର ଅନ୍ତର୍ଯ୍ୟାମୀ ଦାଶ (୮୪)ଙ୍କ ପରଲୋକ ଘଟିଛି । ସେ ଦୀର୍ଘ ଦିନ ହେଲା ଶାରୀରିକ ଅସୁସ୍ଥତା ଅନୁଭବ କରିଆସୁଥିଲା ବେଳେ ଶୁକ୍ରବାର ରାତିରେ ତାଙ୍କର ଦେହାନ୍ତ ହୋଇଥିଲା । ସେ ଆଙ୍କୁଶପୁର ସ୍ଥିତ ଆୟୁର୍ବେଦ ମେଡିକାଲରେ ଡେପୁଟି ସୁପରିଟେଣ୍ଡେଣ୍ଟ ଭାବେ ଦାୟିତ୍ବ ନିର୍ବାହ କରି ଅବସର ଗ୍ରହଣ କରିଥିଲେ । ମୃତ୍ୟୁ ବେଳକୁ ଶଯ୍ୟା ନିକଟରେ ପୁଅ, ବୋହୁ, ନାତି ନାତୁଣୀ ଉପସ୍ଥିତ ରହିଥିଲେ । ସେ ଜଣେ କର୍ମକାଣ୍ଡବିତ୍ ଓ ଧର୍ମପରାୟଣ ବ୍ଯକ୍ତି ଥିଲେ । ତାଙ୍କର ମୃତ୍ୟୁରେ ଅଞ୍ଚଳରେ ଶୋକର ଛାୟା ଖେଳିଯାଇଛି ।
