ପୋଚାଲୁଣ୍ଡି ଗ୍ରାମରେ ଠାକୁରାଣୀ ମନ୍ଦିର ପ୍ରତିଷ୍ଠା ଉତ୍ସବ…

ବୁଗୁଡ଼ା :  ବୁଗୁଡ଼ା ବ୍ଲକ ଅନ୍ତର୍ଗତ ପୋଚଲୁଣ୍ଡି ଗ୍ରାମରେ ମା ବ୍ୟାଘ୍ରଦେବୀ, ମା ବ୍ରାହ୍ମଣୀ ଦେବୀ ଓ ମା କନ୍ଧୁଣି ଦେବୀ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି l ରବିବାର ଦିନ ମଣ୍ଡଳ କରଣ,କଳସ ଯାତ୍ରା ଓ ଅଙ୍କୁରା ରୋପଣ ଅନୁଷ୍ଠିତ ହୋଇଥିଲା l ଗ୍ରାମର ଶତାଧିକ ମହିଳା ଓ ପୁରୁଷ ମୁଣ୍ଡରେ କଳସ ଧରି ଢୋଲବାଦ୍ୟର ତାଳେ ତାଳେ ଗ୍ରାମ ପରିକ୍ରମା କରିଥିଲେ l ସୋମବାର ଦିନ ସୂର୍ଯ୍ୟପୂଜା, ଶାଲା ପୂଜା, ଅଗ୍ନି ସ୍ଥାପନ, ଘୃତ ଯଜ୍ଞ, ବନ ଯୋଗ, ରତ୍ନମୁଦ, ଦାରୁଆ ନୟନ ଓ ନାମ ଯଜ୍ଞ ଅନୁଷ୍ଠିତ ହୋଇଥିଲା l ନାମଯଜ୍ଞରେ ପୋଚାଲୁଣ୍ଡି , ଗରାଇଝୁଳି , ମାଳତୀବାଡ଼ି, ସାନଖୋଲି ଓ ଜେନାପୁର ଗ୍ରାମର ନାମ ଦଳ ଯୋଗ ଦେଇ ୨୪ ପ୍ରହର ନାମ ସଂକୀର୍ତ୍ତନ କରିଥିଲେ l ମଙ୍ଗଳବାର ଦିନ ସୂର୍ଯ୍ୟ ପୂଜା, ଶାଲା ପୂଜା, ଅଗ୍ନି ସ୍ଥାପନ ପରେ ବୁଧବାର ଦିନ ସିଂହାସନ ଆରୋହଣ ଓ ଧ୍ବଜା ଭ୍ରମଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l କାର୍ଯ୍ୟକ୍ରମରେ ଯଜ୍ଞ ଆଚାର୍ଯ୍ୟ ଭାବେ ତନରଡ଼ା ଗ୍ରାମର ଶାନ୍ତନୁ ଦାଶ, ନାମ ଆଚାର୍ଯ୍ୟ ଭାବେ କଟକ ଜିଲ୍ଲା ନେମାଳର ଦିନ ଦୟାଲ ମହାରାଜ ପୂଜା କାର୍ଯ୍ୟ ସମ୍ପାଦନ କରିଥିବା ବେଳେ କର୍ତ୍ତା ଭାବେ ରମେଶ ବିଷୋୟୀ ଦାୟିତ୍ୱ ତୁଲାଇଛନ୍ତି l ସରପଞ୍ଚ ସୁଜାତା କୁମାରୀ ପ୍ରଧାନ,ଯଜ୍ଞ କମିଟି ସଭାପତି ଭାସ୍କର ଜେନା , କାର୍ଯ୍ୟକାରୀ ସଭାପତି ଭଗବାନ ଜେନା, ସମ୍ପାଦକ ପବିତ୍ର ମୋହନ ପ୍ରଧାନ,କୋଷାଧକ୍ଷ ବିପ୍ର ଚରଣ ଜେନାଙ୍କ ସମେତ କମିଟି ସଦସ୍ୟ ଓ ଗ୍ରାମବାସୀ ବୃନ୍ଦ ଏଥିରେ ସହଯୋଗ କରିଛନ୍ତି l