ମୋ ସ୍କୁଲ” ସଂଗଠନର ୫ମ ବାଷିକ ଉତ୍ସବ ଓ ପୁରସ୍କାର ବିତରଣ
କେନ୍ଦ୍ରାପଡ଼ା ଜିଲ୍ଲା ଗରଦପୁର ବ୍ଲକ୍ ଅନ୍ତର୍ଗତ ତେଣ୍ଡାକୁଡ଼ାସ୍ଥିତ ଫଜଲହକ୍ ସରକାରୀ ହାଇସ୍କୁଲ ର “ମୋ ସ୍କୁଲ” ସଂଗଠନର ୫ମ ବାଷିକ ଉତ୍ସବ ଅନୁଷ୍ଠିତ ହୋଇ ଯାଇଛି । ମୋ ସ୍କୁଲ କମିଟିର ସଭାପତି ଡ଼ ଅମରେନ୍ଦ୍ରନାଥ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉତ୍ସବରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସ୍ୱାଗତ ଭାଷଣ ପ୍ରଦାନ କରିଥିଲେ । ମୋ ସ୍କୁଲ କମିଟିର ସଦସ୍ୟ ରବିନ୍ଦ୍ରନାଥ ମହାନ୍ତି ଅତିଥି ମାନଙ୍କର ପରିଚୟ ପ୍ରଦାନ କରିଥିଲେ । ଶିକ୍ଷକ ଅନାଦି ଚରଣ ସାହୁ ବାର୍ଷିକ ବୀବରଣି ପାଠ କରି ମୋ ସ୍କୁଲ ସଂଗଠନ ଦ୍ୱାରା କରାଯାଇଥିବା ବିଦ୍ୟାଳୟର ବିଭିନ୍ନ ଉନ୍ନତି ମୂଳକ କାର୍ଯ୍ୟ ସମ୍ପର୍କରେ ଆଲୋକପାତ କରିଥିଲେ । କମିଟିର ସଦସ୍ୟ ଡ଼ାକ୍ତର ଅବ୍ଦୁଲ ହଲିମ, ଦୀପ୍ତିରଂଜନ କାନୁନଗୋ, ହୃଦୟନିଧି ମହାନ୍ତି, ଡ଼ ସରୋଜ କୁମାର ମହାନ୍ତି, ଡ଼ ଲିଙ୍ଗରାଜ ରଣା,କୈଳାଶ ଚନ୍ଦ୍ର ସ୍ୱାଇଁ ପ୍ରମୁଖ ଯୋଗଦେଇ ଆଲୋଚନାରେ ଅଂଶ ଗ୍ରହଣ କରିଥିଲେ ।
ଏହି ଅବସରରେ ବିଦ୍ୟାଳୟର ବାର୍ଷିକ କ୍ରୀଡ଼ା ପ୍ରତିଯୋଗିତାର କୃତୀ ଛାତ୍ର ଛାତ୍ରୀ ମାନଙ୍କୁ ପୁରସ୍କାର ବିତରଣ କରାଯାଇଥିଲା । ବରିଷ୍ଠ ବାଳକ ବିଭାଗରେ ରିହାନ ଖାନ୍ ,ବରିଷ୍ଠ ବାଳିକା ବିଭାଗରେ ମମତାଜ ପରୱିନ୍ , କନିଷ୍ଠ ବାଳକ ବିଭାଗରେ ଅବତାବ ଖାନ୍ ଓ କନିଷ୍ଠ ବାଳିକା ବିଭାଗରେ ରଚନା ମଲିକ ଙ୍କୁ ଚମ୍ପିଆନ୍ ଟ୍ରଫି ପ୍ରଦାନ କରାଯାଇଥିଲା । ଏହି ପୁରସ୍କାର ବିତରଣ କାର୍ଯ୍ୟକ୍ରମକୁ ବିଦ୍ୟାଳୟର କ୍ରୀଡ଼ା ଶିକ୍ଷକ ତାପସ କୁମାର ମହାନ୍ତି , ଶିକ୍ଷକ ଅବଦୁଲ ୱାହିଦ୍ ,ମହମ୍ମଦ ଏକ୍ରାମୁଲ ହକ୍ ଖାନ୍ , ଜଗନ୍ନାଥ ଦାସ, ଚନ୍ଦନ ନାୟକ, ଅନାଦି ଚରଣ ସାହୁ,ମୁନା ଖଟୁଆ ,ବାଦଲ କୁମାର ବେହେରା,ସନ୍ତୋଷ କୁମାର ସାହୁ, ଶିକ୍ଷୟିତ୍ରୀ ବୈଜୟନ୍ତୀ ଜେନା,ଏଲଟିକ୍ସ ପଟ୍ଟନାୟକ ଙ୍କ ସମେତ ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ କର୍ମଚାରୀ ପରିଚାଳନା ରେ ସହଯୋଗ କରିଥିଲେ ।
ରିପୋର୍ଟ ଗୋକୁଳ ଆଚାର୍ଯ୍ୟ
