ଗଜପତି:- ଜିଲ୍ଲାସ୍ତରୀୟ ଗୋ-ସମ୍ବର୍ଦ୍ଧନା ସପ୍ତାହ ପାଳିତ ।
ଗଜପତି:- ଜିଲ୍ଲାସ୍ତରୀୟ ଗୋ-ସମ୍ବର୍ଦ୍ଧନା ସପ୍ତାହ ପାଳିତ ।
———————————————-
ପାରଳାଖେମୁଣ୍ଡି ଠାରେ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା କାର୍ଯ୍ୟାଳୟ ପରିସର’ରେ ୭୨ତମ ଜିଲ୍ଲାସ୍ତରୀୟ ଗୋ-ସମ୍ବର୍ଦ୍ଧନା ଉତ୍ସବ-୨୦୨୩ ମହା ସମାରୋହ’ରେ ପାଳିତ ହୋଇ ଯାଇଛି ।
ଏହି କାର୍ଯ୍ୟକ୍ରମ’ରେ ଗଜପତି ଜିଲ୍ଲାପାଳ ଶ୍ରୀ ସ୍ମୃତି ରଞ୍ଜନ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମ କୁ ଆନୁଷ୍ଠାନିକ ଭାବେ ଶୁଭ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବରେ ଶ୍ରୀ ସୁରେଶ କୁମାର ପଟ୍ଟନାୟକ , ପ୍ରକଳ୍ପ ନିର୍ଦ୍ଦେଶକ – ଜଳଛାୟା ଗଜପତି , ଶ୍ରୀ ସୁଶାନ୍ତ ରଞ୍ଜନ ଦାସ , ଉପ-ନିର୍ଦ୍ଦେଶକ , ଉଦ୍ୟାନ ବିଭାଗ ଗଜପତି ଓ ଶ୍ରୀ ହୃଷିକେଶ ଗୌଡ଼ , ସଭାପତି ଉତ୍କଳ ଗୋ ମଙ୍ଗଳ ବିକାଶ ପରିଷଦ , ଗଜପତି ପ୍ରମୁଖ ମଞ୍ଚାସିନ ଅତିଥି ଭାବେ ଆସନ ଅଳଙ୍କୃତ କରିଥିବା ବେଳେ ମୁଖ୍ୟ ବକ୍ତା ଭାବରେ ଅଧ୍ୟାପିକା ଡ଼.କଲ୍ୟାଣୀ ମିଶ୍ର , ମହିଳା ମହାଦ୍ୟାଳୟ ,ପାରଳାଖେମୁଣ୍ଡି ଏହି ଉତ୍ସବରେ ଯୋଗ ଦେଇଥିଲେ।
ଏହି କାର୍ଯ୍ୟକ୍ରମରେ ଗୋ-ସମ୍ବର୍ଦ୍ଧନା ଉତ୍ସବ’ର ସଭାପତି ତଥା ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ , ଡା.ଧର୍ମାନନ୍ଦ ମହାନ୍ତି ସ୍ଵାଗତ ଭାଷଣ ପ୍ରଦାନ କରିଥିଲେ। ମୁଖ୍ୟ ଅତିଥି ଭାବରେ ଯୋଗଦେଇ ଜିଲ୍ଲାପାଳ ନିଜ ବାର୍ତ୍ତାରେ କହିଥିଲେ ଯେ ଗୋ ପୂଜନର ପ୍ରାସଙ୍ଗିକତା ଏବଂ ଗୋ ସମ୍ପଦ ଦ୍ବାରା ଚାଷୀ ମାନଙ୍କ ଆର୍ଥିକ ଉନ୍ନତି ସମ୍ପର୍କରେ ଅଭିଭାଷଣ ରଖିଥିଲେ।
ଏହା ସହିତ ଗୋ ଚାଷୀ ଭାଇ-ଭଉଣୀ ମାନଙ୍କୁ ଗୋ ଚାଷ କରି ନିଜ’ର ଗୁଜୁରାଣ ମେଣ୍ଟାଇବା ପାଇ କହିଥିଲେ ଓ ଜିଲ୍ଲା’ର ସମସ୍ତ ଗ୍ରାମ ପଞ୍ଚାୟତ’ରେ ଜନସାଧରଣଙ୍କୁ ସଚେତନତା କରି ଗୋ ପାଳନ ଚାଷ କରିବା ପାଇଁ କହିଥିଲେ।
ସେହିଭଳି ମୁଖ୍ୟ ବକ୍ତା ଭାବେ ଅଧ୍ୟାପିକା ଡ଼.କଲ୍ୟାଣୀ ମିଶ୍ର ଗୋ-ସମ୍ବର୍ଦ୍ଧନା’ର ପୃଷ୍ଠଭୂମି , ମହତ୍ଵ ଏବଂ ସମାଜ’ରେ ଗୋପାଳନ’ ର ଆବଶ୍ୟକତା ସମ୍ପର୍କରେ ବକ୍ତବ୍ୟ ରଖିଥିଲେ।
ଏହି ଅବସରରେ ଡ଼ାଃ ବିଦୁ ଶେଖର ମିଶ୍ର , ଡ଼ା.ଶ୍ରୀକାନ୍ତ ଖଟୁଆ ଓ ମୃତ୍ୟାଞ୍ଜୟ ଦାଶ ଗୋ ସମ୍ବର୍ଦ୍ଧନା ସମ୍ପର୍କରେ କବିତା ପାଠ କରିଥିଲେ । ପରେ ସମ୍ମାନିତ ଅତିଥିମାନେ ଗୋ ଚାଷ ବିଷୟ ନିଜ ନିଜ’ର ଅଭିଭାଷଣ ରଖିଥିଲେ।
ଏହି କାର୍ଯ୍ୟକ୍ରମ’କୁ ଡ଼ା.ଲିମା ମହାନ୍ତି ପ୍ରାଣୀ ଚିକିତ୍ସକ ରାୟଗଡ ସଭା ପରିଚାଳନା କରିଥିବା ବେଳେ ଡ଼ା.ରମାକାନ୍ତ ରଣା,ଉପଖଣ୍ଡ ପ୍ରାଣୀ ଚିକିତ୍ସକ ପାରଳାଖେମୁଣ୍ଡି ଧନ୍ୟବାଦ୍ ଅର୍ପଣ କରିଥିଲେ।
ଏହି ଅବସରରେ ଜିଲ୍ଲାରେ ଶ୍ରେଷ୍ଠ ଗୋ ପାଳନ ଚାଷୀ ଭାବେ ଭଗବାନ ପାତ୍ର , କେରାଣ୍ଡି ଗ୍ରାମ ପଞ୍ଚାୟତ , ପ୍ରଶାନ୍ତ ପାତ୍ର , ପାରଳାଖେମୁଣ୍ଡି , ରଞ୍ଜିତ ଦଳେଇ , ଗୁରାଣ୍ଡି , ସେହିପରି ବାଛୁରୀ ପାଳନ କ୍ଷେତ୍ରରେ କୃଷ୍ଣ ବେହେରା ଓ କେ.ରାମା ରାଜୁ କେରାଣ୍ଡି’ଙ୍କୁ ମାନପତ୍ର ଓ ଉପଢୌକନ ପ୍ରଦାନ କରାଯାଇ ପୁରସ୍କୃତ କରା ଯାଇଥିଲା।
ଏହି ଉତ୍ସବ’ରେ ଅତିରିକ୍ତ ଜିଲ୍ଲା ପ୍ରାଣୀ ଚିକିତ୍ସା ଅଧିକାରୀ ଡ଼ା.ନାରାୟଣ ମହାପାତ୍ର , ଡ଼.ଶିବଙ୍କର ସେଠୀ , ଗୁମ୍ମା ବ୍ଲକ ବିଭିଓ: ଡ଼ା.ଶୁଭ ବିକାଶ ମଲ୍ଲିକ ପ୍ରମୁଖ ଉପସ୍ଥିତ ଥିବା ବେଳେ ସମସ୍ତ ଗୋଷ୍ଠୀ ପ୍ରାଣୀ ଚିକିତ୍ସକ , ଜିଲ୍ଲା ପ୍ରାଣୀ ସମ୍ପଦ ବିକାଶ ବିଭାଗ’ର ସମସ୍ତ କର୍ମଚାରୀ ମାନେ ସହଯୋଗ କରିଥିଲେ।
ଏହି ଉତ୍ସବ’ରେ ଜିଲ୍ଲାର ସାତ ଗୋଟି ବ୍ଲକ୍ ରୁ ୭୦’ରୁ ଉର୍ଦ୍ଧ ଗୋପାଳକ ଯୋଗଦେଇ କାର୍ଯ୍ୟକ୍ରମ’କୁ ସାଫଲ୍ୟ ମଣ୍ଡିତ କରିଥିଲେ ।
———————————————-
ଗଣେଶ କୁମାର ରାଜୁ
ପାରଳାଖେମୁଣ୍ଡି(ଗଜପତି)
———————————————-
