ଉମରକୋଟ ନିକଟସ୍ଥ ତିଲୋଣ୍ଡି ଗ୍ରାମ ରେ ଅଘଟଣ ପାଣିରେ ବୁଡ଼ି ନାବାଳିକା ମୃତ………

ଉମରକୋଟ:-(ଏମ୍.ଦିନା°ଶୁ ଆଚାରୀ) ୧୮/୦୮/୨୦୨୪ ପାଣିରେ ବୁଡ଼ି ଜଣେ ନାବାଳିକା ର ମୃତ୍ୟୁ ଘଟିଥିବା ଘଟଣା ସାମ୍ନା କୁ ଆସିଛି । ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଅଧୀନରେ। ମୃତ ନାବାଳିକା ହେଲେ ଉମରକୋଟ ବ୍ଲକ ହିରାପୁର ପଞ୍ଚାୟତ ଅନ୍ତର୍ଗତ ତିଲୋଣ୍ଡି ଗ୍ରାମର ତ୍ରିନାଥ ଭତରା ଙ୍କ ଝିଅ ଯତିକା ଭତରା (୮)। ମିଳିଥିବା ସୂଚନା ଅନୁସାରେ ଯତିକା ଗତକାଲି ସ୍କୂଲରୁ ଘରକୁ ଫେରି ସାଙ୍ଗ ମାନଙ୍କ ସହିତ ନିକଟରେ ଥିବା ଏକ ପୋଖରୀକୁ ଗାଧୋଇବାକୁ ଯାଇଥିଲେ। ଏହି ସମୟରେ ଅସାବଧାନତା ଯୋଗୁଁ ଗୋଡ ଖସିଯିବାରୁ ପାଣି ଭିତରକୁ ଖସି ଯାଇଥିଲେ ଯତିକା । ଏହି ସମୟରେ ସେହି ରାସ୍ତା ଦେଇ ଯାଉଥିବା ଜଣେ ଯୁବକ ଯତିକା କୁ ଉଦ୍ଧାର କରି ପରିବାର ଲୋକ ଙ୍କୁ ଖବର ଦେଇଥିଲେ। ପରିବାର ଲୋକେ ଘଟଣାସ୍ଥଳରେ ପହଞ୍ଚି ଥିଲେ। ଯତିକା ର ଅବସ୍ଥା ଗୁରୁତର ଥିବାରୁ ଏକ ଗାଡ଼ି ଯୋଗେ ଉମରକୋଟ ଉପଖଣ୍ଡ ସ୍ବାସ୍ଥ୍ୟ କେନ୍ଦ୍ର କୁ ଆଣିଥିଲେ। କିନ୍ତୁ ଡାକ୍ତରଖାନାରେ ଡାକ୍ତର ଯତିକାକୁ ମୃତ ଘୋଷଣା କରିଥିଲେ। ଏନେଇ ପରିବାର ଲୋକଙ୍କ ପକ୍ଷରୁ ଗତକାଲି ସନ୍ଧ୍ୟାରେ ଉମରକୋଟ ଥାନାରେ ଏକ ଲିଖିତ ଅଭିଯୋଗ କରିଥିଲେ। ପୋଲିସ ଅଭିଯୋଗ କୁ ଭିତ୍ତି କରି ଡାକ୍ତରଖାନାରେ ପହଞ୍ଚି ଶବ ଜବତ କରିଥିଲେ। ଆଜି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛନ୍ତି। ତଦନ୍ତ ଭାର ଏସଆଇ ଶିବଜି ପଣ୍ଡା ସମ୍ଭାଳିଥିବା ଜଣାପଡିଛି ।