ଯାନ୍ତ୍ରିକ ତ୍ରୁଟି ଯୋଗୁଁ ମଝି ସମୁଦ୍ରରେ ବୁଡ଼ିଲା ଟ୍ରଲର ଅଳ୍ପକେ ବର୍ତ୍ତିଲେ ୬ ମତ୍ସ୍ୟଜୀବୀ

ଯାନ୍ତ୍ରିକ ତ୍ରୁଟି ଯୋଗୁଁ ମଝି ସମୁଦ୍ରରେ ବୁଡ଼ିଲା ଟ୍ରଲର ଅଳ୍ପକେ ବର୍ତ୍ତିଲେ ୬ ମତ୍ସ୍ୟଜୀବୀ
ଅସ୍ତରଙ୍ଗ: ୧୯/୦୬/ ପୁରୀ ଜିଲ୍ଲା ଅସ୍ତରଙ୍ଗଦେବୀ ମୁହାଁଣ ଠାରେ ସମୁଦ୍ରକୁ ମାଛ ମାରିବାକୁ ଯାଇଥିବା ଅସ୍ତରଙ୍ଗ ୩ ନାମକ ଟ୍ରଲରର ଯାନ୍ତ୍ରୀକ ତ୍ରୁଟି ଯୋଗୁଁ ଟ୍ରଲରଟି ଦୁର୍ଘଟଣା ଘଟି ମଝି ସମୁଦ୍ରରେ ବୁଡିଯାଇଛି । ଏହି ଟ୍ରଲରଟି ସମୁଦ୍ରରେ ମାଛ ମାରୁଥିବା ବେଳେ ବିଳମ୍ବିତ ରାତ୍ରୀରେ ଯାନ୍ତ୍ରିକ ତ୍ରୁଟି ଯୋଗୁଁ ଟ୍ରଲରରେ ପାଣି ପଶି ଯାଇଥିଲା । ଖବର ପାଇ ନିକଟରେ ମାଛ ମାରୁଥିବା ଅସ୍ତରଙ୍ଗ ଅଂଚଳର ଆଉ ଏକ ଟ୍ରଲର ଶ୍ରୀ ଗଣେଶ ଘଟଣା ସ୍ଥଳରେ ପହଞ୍ଚି ୬ ମତ୍ସ୍ୟଜୀବୀଙ୍କୁ ଉଦ୍ଧାର କରିଥିଲେ । ୬ ମତ୍ସ୍ୟଜୀବୀ ଅଳ୍ପକେ ବର୍ତ୍ତି ଯାଇଛନ୍ତି । ସେହି ଟ୍ରଲର ସାହାଯ୍ୟରେ ମତ୍ସ୍ୟଜୀବୀ ମାନଙ୍କୁ ନୂଆଗଡ଼ ମାଛଧରା ବନ୍ଦରକୁ ଅଣାଯାଇଛି । ଏହି ଘଟଣା ଅସ୍ତରଙ୍ଗ ଅଞ୍ଚଳ ରେ ଚାଞ୍ଚଲ୍ୟ ସୃଷ୍ଟି କରିଛି।