ଜଗଦମ୍ବା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ରେ ବାର୍ଷିକ ଉତ୍ସବ ପାଳନ

କୋଲନରା, କୋଲନରା ସଦର ସ୍ଥିତ ଜଗଦମ୍ବା ସରକାରୀ ଉଚ୍ଚ ବିଦ୍ୟାଳୟ ର ବାର୍ଷିକ ଉତ୍ସବ ଆଜି ଅନୁଷ୍ଠିତ ହୋଇ ଯାଇଛି। ଏହି ଉତ୍ସବ ରେ ଜଗଦମ୍ବା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ରାଜେନ୍ଦ୍ର ନାଥ ମିଶ୍ର ସଭାପତିତ୍ୱ କରିଥିବା ବେଳେ, ସ୍ୱତନ୍ତ୍ର ମୁଖ୍ୟଅତିଥି ଭାବେ ଡିଇଓ ଡଃ ବସନ୍ତ କୁମାର ନାୟକ, ମୁଖ୍ୟଅତିଥି ଭାବେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଭଜନ ଲାଲ ମାଝୀ, ସମ୍ମାନିତ ଅତିଥି ଭାବେ ବିଇଓ ମଞ୍ଜୁଲତା ଜେନା, କୋଲନରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଚିକିତ୍ସାଧିକାରୀ ସୌମ୍ୟରଂଜନ ନାୟକ, ମିଟସ ଇଂଜିନିୟରିଂ କଲେଜ ପ୍ରିନ୍ସପାଲ ରମାନୁଜ ନାୟକ, ମୁଖ୍ୟବକ୍ତା ଭାବେ ରାୟଗଡା ସେଞ୍ଚୁରିଆନ କଲେଜର ଅଧ୍ୟକ୍ଷ ଡଃ ରାଜେଶ କୁମାର ପାଢୀ ଓ ଅନ୍ୟତମ ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି ସଭାପତି ଜୟସେନ ସେଠୀ ଯୋଗ ଦେଇଥିଲେ। ଅତିଥି ମାନେ ମା ଜଗଦମ୍ବା ଙ୍କ ନିକଟରେ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମ କୁ ଶୁଭାରମ୍ଭ କରିଥିଲେ। ଶିକ୍ଷକ ଧନଞ୍ଜୟ ବଗର୍ତ୍ତି ଅତିଥି ପରିଚୟ ପ୍ରଦାନ ସହିତ ଅତିଥି ମାନଙ୍କୁ ମଞ୍ଚକୁ ଆମନ୍ତ୍ରଣ କରିଥିବା ବେଳେ, ବିଦ୍ୟାଳୟର ଅଧ୍ୟକ୍ଷ ଶ୍ରୀ ମିଶ୍ର ବାର୍ଷିକ ବିବରଣୀ ପ୍ରଦାନ କରିଥିଲେ। ଏହି ଅବସରରେ ବିଦ୍ୟାଳୟରେ ଆୟୋଜିତ ବିଭିନ୍ନ ପ୍ରତିଯୋଗୀତା ରଚନା, ତର୍କ, ଗୀତ, ଚିତ୍ରାଙ୍କନ, ନାଚ ଓ ରଙ୍ଗୋଲିରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ। ସେହିପରି ମାଟ୍ରିକ ପରୀକ୍ଷାରେ ୨୦୨୩ – ୨୪ ଶିକ୍ଷା ବର୍ଷର ବିଦ୍ୟାଳୟ ଟପର ଭାବେ କାଡି ଦୀପିକା, ଷ୍ଟୁଡେଣ୍ଟ ଅଫ ଦି ଇଅର ପିଙ୍କି ମାଣ୍ଡାଙ୍ଗି, ବକ୍ସିଙ୍ଗ ରେ ରାଜ୍ୟସ୍ତରୀୟ ବିଜେତା ଡ଼ଲିମା ଉର୍ଲାକା, ଜାତୀୟ ହ୍ୟାଣ୍ଡ ବଲ ପ୍ରତିଯୋଗିତାରେ ଅଂଶଗ୍ରହଣ କରିଥିବା ଛାତ୍ରୀ ଶର୍ମିଳା ପୁଲାକା, ବେଷ୍ଟ ନିଉଜ ରିଡର ଭାବେ ମନୀଷା ୱାଡକା ଓ ରିତେଶ୍ୱରୀ କରକରିଆ, ଡିସିପ୍ଲିନ ରେ ଟୁଇଙ୍କିଲ କଣ୍ଡାଗରୀ ଓ ସ୍ୱାତୀ ଶବର ଙ୍କ ସମେତ ଅନ୍ୟ ୫ ଗୋଟି ଇଭେଣ୍ଟରେ ମିଶି ୧୨୦ ଜଣ ଛାତ୍ରଛାତ୍ରୀ ଙ୍କୁ ପୁରସ୍କୃତ କରାଯାଇଛି। ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ, କର୍ମଚାରୀ ମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଶେଷରେ ସଭାପତି ଶ୍ରୀ ମିଶ୍ର ଧନ୍ୟବାଦ ଅର୍ପଣ କରିଥିଲେ।

ରିପୋର୍ଟ : ସଞ୍ଜୀବ କଣ୍ଡାଗରୀ