ମାଲଦୁ ରେ ନାଟକ ମଞ୍ଚ ଉଦଘାଟନ କରିବା ସହିତ ନିରାଶ୍ରୟା ମହିଳାଙ୍କୁ ସହାୟତା ପ୍ରଦାନ କରିଛନ୍ତି ଅବସରପ୍ରାପ୍ତ ସେନା କର୍ମଚାରୀ ଦୀପକ ଜେନା

ମାଲଦୁ ରେ ନାଟକ ମଞ୍ଚ ଉଦଘାଟନ କରିବା ସହିତ ନିରାଶ୍ରୟା ମହିଳାଙ୍କୁ ସହାୟତା ପ୍ରଦାନ କରିଛନ୍ତି ଅବସରପ୍ରାପ୍ତ ସେନା କର୍ମଚାରୀ ଦୀପକ ଜେନା l
ଆଜି ପୁରୀଜିଲ୍ଲା କୃଷ୍ଣପ୍ରସାଦ ବ୍ଲକ ମାଲୁଦ ଅଞ୍ଚଳ ର ଜଗତିସାହି ଓ ବାଲିସାହି ର ମିଳିତ ଆନୁକୂଲ୍ୟରେ ନାଟକ ‘ଜନମ ନେଇଛି କାନ୍ଦିବା ପାଇଁ ‘ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥିଭାବେ ଅବସରପ୍ରାପ୍ତ ସେନା କର୍ମଚାରୀ ସମାଜସେବୀ ଦୀପକ କୁମାର ଜେନା ମୁଖ୍ୟଅତିଥି ଭାବେ ଯୋଗଦେଇ ଫିତାକାଟି ପ୍ରଦୀପ ପ୍ରଜ୍ୱଳନ କରି ନାଟକ ମଞ୍ଚ ଉଦଘାଟନ କରିଥିଲେ l ଅନୁଷ୍ଠାନ ପକ୍ଷରୁ ଦୀପକଙ୍କୁ ଉତ୍ତରୀୟ ଓ ଫୁଲତୋଡ଼ା ଦେଇ ସମ୍ବୋର୍ଦ୍ଧିତ କରାଯାଇଥିଲା l ବିଗତ ଦିନରେ ମୁଁ ଦେଶ ମାତୃକାର ସେବାପାଇଁ ସେନା କର୍ମଚାରୀ ଭାବରେ କାର୍ଯ୍ୟ କରୁଥିଲି ବର୍ତମାନ ମୋ ଗାଁ, ମୋ ପଞ୍ଚାୟତ ଓ ମୋ ନିର୍ବାଚନ ମଣ୍ଡଳୀର ଜନସାଧାରଣଙ୍କ ପାଇଁ ସେବା କରିବାର ସୁଯୋଗ ମିଳିଛି l ମୁଁ ରାଜନୀତି କରି ଜିତେକି ହାରେ ସେଥିରେ ମୋର କୌଣସି ଦ୍ଵିଧା ନାହିଁ ଆଗରୁ ମୁଁ ଆପଣ ମାନଙ୍କ ସହିତ ଥିଲି ବର୍ତମାନ ଅଛି ଆଗକୁ ମଧ୍ୟ ରହିବି, ମୋ ଜୀବନର ଶେଷ ରକ୍ତବିନ୍ଦୁ ଥିବା ପର୍ଯ୍ୟନ୍ତ ମୁଁ ଆପଣ ମାନଙ୍କ ସେବା କରୁଥିବି ବୋଲି ଦୀପକ ତାଙ୍କ ଅଭିଭାଷଣ ରେ କହିଥିଲେ l ଶେଷରେ ଦୀପକ ନିଜର ଶୁଭେଛୁ ମାନଙ୍କ ସହିତ ପହଞ୍ଚିଥିଲେ ଦୁଇଦିନ ତଳେ ଦୁର୍ଘଟଣା ରେ ମୃତ୍ୟୁ ବରଣ କରିଥିବା ମାଲୁଦ ଅଞ୍ଚଳର ଜଣେ ଯୁବକଙ୍କ ଭଡାଘରେ l ମୃତ ଯୁବକଙ୍କ ପରିବାର କହିଲେ ତାଙ୍କ ପୁଅ ଆଉ ସ୍ତ୍ରୀଙ୍କ ବିନା କେହି ନାହାନ୍ତି l ଯୁବକଙ୍କ ମୃତ୍ୟୁ ହେଇଯିବାରୁ ତାଙ୍କ ସ୍ତ୍ରୀ ପୁଅକୁ ନେଇ ଚଳିବା ପାଇଁ ରାସନ ସାମଗ୍ରୀ ସହିତ ପନିପରିବା ଏବଂ କିଛି ଅର୍ଥରାଶି ସାହାଯ୍ୟ କରିଥିଲେ l ବ୍ରହ୍ମଗିରି ନିର୍ବାଚନ ମଣ୍ଡଳୀର ଦୀପକ ବିଭିନ୍ନ ଅନୁଷ୍ଠାନ କୁ ଅତିଥିଭାବେ ଯିବା ସହିତ ବିଭିନ୍ନ ପରିବାର କୁ ଅକୁଣ୍ଠିତ ସାହାଯ୍ୟ ଦେଖି ତାଙ୍କ ନିକଟକୁ ପ୍ରଶଂସା ର ସୁଅ ଛୁଟିଛି l ଏବେ ବ୍ରହ୍ମଗିରି ନିର୍ବାଚନ ମଣ୍ଡଳୀରେ ଦୀପକଙ୍କ ପ୍ରତି ଜନତାଙ୍କ ଭଲପାଇବା ଦେଖି ବିଭିନ୍ନ ରାଜନୈତିକ ଦଳ ନେତା କର୍ମୀଙ୍କ ମନରେ ଗୁଜରଣ ସୃଷ୍ଟି ହେଲାଣି କାଳେ ଦୀପକ ନେଇଯିବେ ବ୍ରହ୍ମଗିରି ବିଧାନସଭା ଆସନ!
(ପୁରୀରୁ ରମେଶ ସାହୁଙ୍କ ରିପୋର୍ଟ)