ଲୋକଙ୍କ ସେବାରେ ଯାତ୍ରୀ ବିଶ୍ରାମଗାର, ଆନନ୍ଦିତ ହେଉଛନ୍ତି ଯାତ୍ରୀ
ବାଲେଶ୍ଵର,୧୭/୭/୨୩- ଦୀର୍ଘ ଦିନର ଦାବି ପରେ ବାଲେଶ୍ଵର ଜିଲ୍ଲା ଖଇରା ବ୍ଲକ ଖଇରା ପଞ୍ଚାୟତ ଆଳଦା ଛକରେ ଦଣ୍ଡାୟମାନ ହେଲା ଯାତ୍ରୀ ବିଶ୍ରାମଗାର । ପୂର୍ବରୁ ଏହି ଛକରେ ଯାତ୍ରୀ ମାନଙ୍କ ପାଇଁ ବିଶ୍ରାମଗାର ଟିଏ ନଥିଲା । ରାସ୍ତା ସମ୍ପ୍ରସାରଣ ପାଇଁ ଖଇରା ବଜାର ଦୋକାନ ଘର ଭଙ୍ଗା ହେବା ପରେ ଯାତ୍ରୀ ମାନେ ଏଠି ସେଠି ଛିଡା ହୋଇ ବଡ଼ ହଇରାଣରେ ଯାତ୍ରୀବାହୀ ଗାଡି ଅର୍ଥାତ୍ ବସକୁ ଅପେକ୍ଷା କରୁଥିଲେ । ବର୍ଷା ସମୟରେ ନାହିଁ ନଥିବା ଅସୁବିଧାର ମଧ୍ୟ ସମ୍ମୁଖୀନ ହେଉଥିଲେ । ଏଥିପାଇଁ ଆଳଦା ଗ୍ରାମବାସୀ ଓ ଖଇରାର ବିଭିନ୍ନ ମଞ୍ଚ ଏବଂ ସ୍ବେଚ୍ଛାସେବୀ ସଙ୍ଗଠନ ଖଇରା ଗ୍ରାମପଞ୍ଚାୟତ ସରପଞ୍ଚ, ବିଧାୟକ, ମନ୍ତ୍ରୀ, ସ୍ଥାନୀୟ ନେତା ଓ ପ୍ରଶାସନ ନିକଟରେ ଅଭିଯୋଗ କରିଆସୁଥିଲେ । ସମସ୍ତ ଅଭିଯୋଗକୁ ଗ୍ରହଣ କରି ବିଶ୍ରାମଗାର ନିର୍ମାଣ ଜରୁରୀ ମନେକରି ସରପଞ୍ଚ ମାଳତୀ ସେଠୀ ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀଙ୍କ ଦୃଷ୍ଟି ଆକର୍ଷଣ କରିଥିଲେ । ବିଧାୟକଙ୍କ ନିର୍ଦ୍ଦେଶ କ୍ରମେ ବିଶ୍ରାମଗାର ପାଇଁ ସରପଞ୍ଚ ଶ୍ରୀମତୀ ସେଠୀ ପଞ୍ଚାୟତ ଫଣ୍ଡରୁ ଅର୍ଥ ମଞ୍ଜୁରୀ ପ୍ରଦାନ କଲେ । ଯୁଦ୍ଧକାଳିନ ଭିତ୍ତିରେ ନିର୍ମାଣ କାର୍ଯ୍ୟ ଶେଷ ହେଲା । ଯାହା ଏବେ ଯାତ୍ରୀ ମାନଙ୍କ ଯାତାୟତ କାର୍ଯ୍ୟରେ ସହାୟକ ହେଉଛି । ଏହି ବିଶ୍ରାମଗାର ଖଇରା ଗ୍ରାମ ପଞ୍ଚାୟତର ଆଳଦା ଛକରେ ଅବସ୍ଥିତ । ଯାହାର ଶୁଭ ଉଦଘାଟନ ତା ୧୦/୫/୨୦୨୩ରିଖରେ ହୋଇଥିଲା । ପୂର୍ବତନ ମନ୍ତ୍ରୀ ତଥା ବର୍ତ୍ତମାନର ବିଧାୟକ ଜ୍ଯୋତିପ୍ରକାଶ ପାଣିଗ୍ରାହୀ ମୁଖ୍ୟ ଅତିଥି ଭାବେ ଯୋଗଦେଇ ଶୁଭ ଉଦଘାଟନ କରିଥିଲେ । ଏହି ଶୁଭ ଉଦଘାଟନ ବେଳେ ସମ୍ମାନିତ ଅତିଥି ଭାବେ ୪ ନମ୍ବର ଜୋନର ଜିଲ୍ଲାପରିଷଦ ସଦସ୍ୟା ରଶ୍ମିତା ମହାପାତ୍ର ଓ ଖଇରା ଗ୍ରାମ ପଞ୍ଚାୟତ ସମିତି ସଭ୍ୟା ନର୍ମଦା ଦେଓ ଉପସ୍ଥିତ ଥିଲେ । ଉକ୍ତ କାର୍ଯ୍ୟକ୍ରମରେ ପୌରୋହିତ କରିଥିଲେ ଖଇରା ଗ୍ରାମ ପଞ୍ଚାୟତ ସରପଞ୍ଚ ଶ୍ରୀମତୀ ସେଠୀ । ପୂର୍ବତନ ସରପଞ୍ଚ ସୁଦର୍ଶନ ସେଠୀଙ୍କ ଉଦ୍ୟମରେ ଉଦଘାଟନ ପର୍ବ ଶାନ୍ତି ଶୃଙ୍ଖଳାର ସହିତ ସମାପନ ହୋଇଥିଲା । ବିଶ୍ରାମଗାର ମଧ୍ୟରେ ଯାତ୍ରୀମାନେ ଯାତ୍ରୀବାହି ଗାଡ଼ିକୁ ଅପେକ୍ଷା କରି ବହୁ ଆନନ୍ଦ ଉପଲବ୍ଧି କରୁଥିବାରୁ ସମସ୍ତଙ୍କୁ ଧନ୍ୟବାଦ ଜଣାଉଛନ୍ତି, ଯାହା ଆଜିର ଅପେକ୍ଷାରତ ଯାତ୍ରୀ ମାନଙ୍କ ଠାରୁ ଖବର ସଂଗ୍ରହରୁ ଜଣାପଡିଛି ।।
ବାଲେଶ୍ଵର ଜିଲ୍ଲାରୁ ଦେବାଶିଷ ଦାଶ୍ କ୍କ ରିପୋର୍ଟ,,,
