ବିଦ୍ୟାର୍ଥୀ ଭବନ ପକ୍ଷରୁ ଛାତ୍ରଛାତ୍ରୀଙ୍କୁ ହନୁମାନ ଚାଳିଶା ଏବଂ ଭଗବତ ଗୀତା ପୁସ୍ତକ ବଣ୍ଟନ

ବେଲଗୁଣ୍ଠା, ୧୫/୧୧,ପବିତ୍ର ଶିଶୁ ଦିବସ ଅବସରରେ ବେଲଗୁଣ୍ଠା ବ୍ଳକ୍ ଗୋବରା ମୁଖ୍ୟ ସଡ଼କରେ ଥିବା ବିଦ୍ୟାର୍ଥୀ ଭବନ ପକ୍ଷରୁ ଛାତ୍ରଛାତ୍ରୀଙ୍କୁ ହନୁମାନ ଚାଳିଶା ଏବଂ ଶ୍ରୀମଦ୍ଭଗବତ ଗୀତା ପୁସ୍ତକ ବଣ୍ଟନ କରାଯାଇଛି I ବିଦ୍ୟାର୍ଥୀ ଭବନ ପ୍ରୋପାଇଟର୍ ସନ୍ନ୍ୟାସୀ ପାତ୍ର ସ୍ଥାନୀୟ ପ୍ରଫୁଲ୍ଲ କୁମାରୀ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ଜଣେ ଚତୁର୍ଥ ଶ୍ରେଣୀ କର୍ମଚାରୀ ଭାବେ କାର୍ଯ୍ୟ କରୁ୍ଥିବା ବେଳେ ଅଞ୍ଚଳର ଛାତ୍ରଛାତ୍ରୀଙ୍କୁ ବହୁତ ଭଲ ପାଆନ୍ତି I ଛାତ୍ରଛାତ୍ରୀ ଦେଶର ଭବିଷ୍ୟ ନାଗରୀକ ହୋଇଥିବା ବେଳେ ସେମାନଙ୍କର ଉତ୍ତମ ଚରିତ୍ର ଗଠନ ଏବଂ ଆଧ୍ୟାତ୍ମିକ ଚେତନାକୁ ଉଦ୍‌ବୁଦ୍ଧ କରିବା ପାଇଁ କୋମଳମତି ଛାତ୍ରଛାତ୍ରୀଙ୍କୁ ସେ ହନୁମାନ ଚାଳିଶା ଏବଂ ଶ୍ରୀମଦ୍ଭଗବଦଗୀତା ବଣ୍ଟନ କରିଥିବା କଥା ପ୍ରକାଶ କରିଛନ୍ତି I ସେ ଅଞ୍ଚଳର ପ୍ରାୟ ଶତାଧିକ ଛାତ୍ରୀଛାତ୍ରଙ୍କୁ ଏହି ପୁସ୍ତକ ବଣ୍ଟନ କରିଛନ୍ତି I ସନ୍ନ୍ୟାସୀଙ୍କର ଏହି କାର୍ଯ୍ୟକୁ ଅଞ୍ଚଳବାସୀ ଭୂୟସୀ ପ୍ରଶଂସା କରିଛନ୍ତି I

ଵେଲଗୁଣ୍ଟା, ରିପୋର୍ଟ ପଞ୍ଚାନନ, ସାହୁ