ଦ୍ବିତୀୟ ଦିନରେ ଡ୍ରାଇଭରଙ୍କ ଷ୍ଟେରିଙ୍ଗ୍ ଛାଡ ଆନ୍ଦୋଳନ, ସମର୍ଥନ ଜଣାଇଲା କଂଗ୍ରେସ 

ବୁଗୁଡ଼ା : ତା ୧୬/୦୩/୨୩ : ଡ୍ରାଇଭର ଏକତା ମହାମଞ୍ଚ ଆନୁକୁଲ୍ୟରେ ଓଡିଶା ଡ୍ରାଇଭର ମହାସଂଘ ପକ୍ଷରୁ ସାରା ରାଜ୍ୟରେ ଗତକାଲି ଠାରୁ ଷ୍ଟେରିଙ୍ଗ୍ ଛାଡ ଆନ୍ଦୋଳନ ଜାରି ରହିଥିବା ବେଳେ ବୁଗୁଡ଼ାରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ବୁଗୁଡା ଡ୍ରାଇଭର ସଂଘ ପକ୍ଷରୁ ସ୍ଥାନୀୟ ବଡଶଙ୍ଖଠାରେ ବିଭିନ୍ନ ଦାବି ନେଇ କରୁଥିବା ଆନ୍ଦୋଳନର ଦ୍ବିତୀୟ ଦିନରେ ପ୍ରଦେଶ କଂଗ୍ରେସ ସଦସ୍ୟ ସୁଜିତ କୁମାର ସ୍ବାଇଁ , ବ୍ଲକ କଂଗ୍ରେସ ସଭାପତି ଶଙ୍କର ବେହେରା, ନଗର କଂଗ୍ରେସ ସଭାପତି ମାନସ ରଞ୍ଜନ ଦାଶ ଓ ସିମାଞ୍ଚଳ ଖଟେଇ ପ୍ରମୁଖ ଆନ୍ଦୋଳନକାରୀଙ୍କ ନିକଟରେ ପହଞ୍ଚି ସେମାନଙ୍କୁ ନୈତିକ ସମର୍ଥନ ଜଣାଇ ଥିଲେ । ଗତକାଲି ଭଳି ଆଜି ମଧ୍ୟ ବୁଗୁଡ଼ାରେ ଘରୋଇ ବସ୍ ଚଳାଚଳ ସମ୍ପୂର୍ଣ୍ଣ ଠପ୍ ହେବା ସହ ବସଷ୍ଟାଣ୍ଡ ଶୂନଶାନ ରହିଥିଲା । ଡ୍ରାଇଭରଙ୍କ ଆନ୍ଦୋଳନ କାଳରେ ଅପ୍ରିତିକର ଘଟଣାକୁ ଏଡାଇବା ପାଇଁ ପୋଲିସ ପ୍ରଶାସନ ସଜାଗ ରହିଥିବା ଦେଖିବାକୁ ମିଳିଥିଲା ।