ଗାନ୍ଧୀ ଶାନ୍ତି ପ୍ରତିଷ୍ଠାନ ଓଡ଼ିଶା ଶାଖା ସହ ହିଲ୍ ଟପ୍ ସ୍ନାତକ ମହାବିଦ୍ୟାଳୟ ମଧ୍ୟରେ ଏମଓୟୁ ସ୍ଵାକ୍ଷରିତ…

ମୋହନା(ସନ୍ତୋଷ ଗୌଡ଼)ମୋହନା ସ୍ଥିତ ହିଲ୍ ଟପ୍ ସ୍ନାତକ ମହାବିଦ୍ୟାଳୟ ସହ ଗାନ୍ଧୀ ଶାନ୍ତି ପ୍ରତିଷ୍ଠାନ ଓଡିଶା ଶାଖା ମଧ୍ୟରେ ଏକ ବୁଝାମଣା ପତ୍ର ମହାବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି । ପ୍ରତିଷ୍ଠାନର ସମ୍ପାଦକ ବିରୁପାକ୍ଷ ତ୍ରିପାଠୀ ଓ ମହାବିଦ୍ୟାଳୟର ଅଧ୍ୟକ୍ଷ ଶୁଭ୍ରକାନ୍ତ ମହାନ୍ତିଙ୍କ ମଧ୍ୟରେ ବୁଝାମଣା ପତ୍ର ସ୍ବାକ୍ଷରିତ ହୋଇଯାଇଛି ।ଏହା ଦ୍ୱାରା ଉଭୟ ଅନୁଷ୍ଠାନ ମିଳିତ ଭାବେ ଗାନ୍ଧୀଙ୍କର ନିତୀ ଓ ଆଦର୍ଶ ସମ୍ପର୍କରେ ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯିବା ସହିତ ମହାବିଦ୍ୟାଳୟର ଛାତ୍ରଛାତ୍ରୀ ମାନଙ୍କୁ ଗାନ୍ଧୀଙ୍କ ନିତୀ ଓ ଆଦର୍ଶକୁ ପାଥେୟ କରି ଆଗକୁ କିଭଳି ସୁସ୍ଥ ସମାଜ ଗଠନ କରିବାରେ ସେମାନଙ୍କ ଭୂମିକା ଗୁରୁତ୍ୱପୂର୍ଣ୍ଣ ରହିବ ସେ ସଂପର୍କରେ ଏବଂ ଗାନ୍ଧୀ ଦର୍ଶନ ସଂପର୍କରେ ଗାନ୍ଧୀ ପ୍ରତିଷ୍ଠାନର ଆବାହକ ଡ଼କ୍ଟର ବିଶ୍ୱଜିତ୍ ମତପ୍ରକାଶ କରିଥିଲେ। ଅନୁଷ୍ଠାନର କାର୍ଯ୍ୟକାରୀ ସମ୍ପାଦକ ହରିହର ସେନଙ୍କ ସମେତ ମହାବିଦ୍ୟାଳୟର ଅଧ୍ୟାପକ ଜଗନ୍ନାଥ ପଣ୍ଡା, ଡକ୍ଟର ପ୍ରଣବାନନ୍ଦ ପାଟ୍ଟୋସୀ,ଡ଼କ୍ଟର ମନୋରଞ୍ଜନ ପାଣିଗ୍ରାହୀ, ଶିବ ସୁନ୍ଦର ସୁଖବିନ୍ଦର ସିଂ, ସନ୍ତୋଷ ନନ୍ଦ, ଅଧ୍ୟାପିକା ସ୍ୱୟଂପ୍ରଭା ସାହୁ,ଗୀତାଞ୍ଜଳ୍ଦି ପାଢ଼ୀ ପ୍ରମୂଖ ଉପସ୍ଥିତ ଥିଲେ।