ବୁଗୁଡ଼ା ମିଡିଆ କ୍ଲବର ନୂତନ କୋଠା ଉଦଘାଟିତ
ବୁଗୁଡ଼ା ମିଡିଆ କ୍ଲବର ନୂତନ କୋଠା ଉଦଘାଟିତ
ବୁଗୁଡା : ତା ୧୫/୧୦/୨୩ : ସ୍ଥାନୀୟ ବସଷ୍ଟାଣ୍ଡ ପରିସରରେ ମିଡିଆ କ୍ଲବର ନୂତନ କୋଠା ପୋଲସରା ବିଧାୟକ ଶ୍ରୀକାନ୍ତ ସାହୁଙ୍କ ଦ୍ୱାରା ଉଦଘାଟିତ ହୋଇଯାଇଛି । ଏଥି ନିମନ୍ତେ ଆୟୋଜିତ ଉତ୍ସବରେ ମୁଖ୍ଯ ଅତିଥି ଭାବେ ଏନ୍ଏସି ଅଧ୍ଯକ୍ଷ ଚିତ୍ରସେନ ପ୍ରଧାନ , ସମ୍ମାନିତ ଅତିଥି ଭାବେ କାଉନସିଲର ବିନୋଦିନୀ ନାୟକ ଓ ପ୍ରାକ୍ତନ କାଉନସିଲର ସୁଧାଂଶୁ ଶେଖର ପାଢ଼ୀ ଯୋଗ ଦେଇଥିଲେ । ଉକ୍ତ କାର୍ଯ୍ୟକ୍ରମରେ ଗୋଷ୍ଠୀ ଉନ୍ନୟନ ଅଧିକାରୀ ସନ୍ତୋଷ କୁମାର ଜେନା , ବନାଞ୍ଚଳ ଅଧିକାରୀ ପ୍ରଦୀପ କୁମାର ମିଶ୍ର ,ଉତ୍କଳ ସମ୍ବାଦିକ ସଂଘ ଗଞ୍ଜାମ ଜିଲ୍ଲା ସାଧାରଣ ସମ୍ପାଦକ ପ୍ରଦ୍ୟୁମ୍ନ ପାତ, ଭଞ୍ଜନଗର ସାମ୍ବାଦିକ ସଂଘ ଉପସଭାପତି ଅମରେନ୍ଦ୍ର ପଟ୍ଟନାୟକ , ପୋଲସରା ସାମ୍ବାଦିକ ସଂଘ ସଭାପତି ସୁବ୍ରତ କୁମାର ବେହେରାଙ୍କ ସମେତ ସ୍ଥାନୀୟ ବୁଦ୍ଧିଜୀବୀ ଏବଂ ମାନ୍ଯଗଣ୍ଯ ବ୍ଯକ୍ତି ଉପସ୍ଥିତ ରହିଥିଲେ । ମିଡିଆ କ୍ଲବ ସଭାପତି ଅନୀଲ ପଟ୍ଟନାୟକଙ୍କ ତତ୍ତ୍ବାବଧାନରେ ଆୟୋଜିତ ଉକ୍ତ କାର୍ଯ୍ୟକ୍ରମକୁ ସମ୍ପାଦକ ପ୍ରଫୁଲ୍ଲ କୁମାର ପଟ୍ଟନାୟକ ପରିଚାଳନା କରିଥିବା ବେଳେ ଉପଦେଷ୍ଟା କାଳିଚରଣ ଦାଶ , ଉପସଭାପତି ମନୋରଞ୍ଜନ ଦାଶ , ସହସଂପାଦକ ହର ପ୍ରସାଦ ପାଢୀ , କୋଷାଧକ୍ଷ ବିଶ୍ବମୋହନ ମିଶ୍ର , ଅଭୟ ପ୍ରସାଦ ପାଣିଗ୍ରାହୀ , ଏସ୍.ଶିବ ପ୍ରସାଦ ଦୋରା , ରାମନାରାୟଣ ପାଣିଗ୍ରାହୀ , ହର ପ୍ରସାଦ ମହପାତ୍ର , ସଞ୍ଜିବ କୁମାର ତ୍ରିପାଠୀ ପ୍ରମୁଖ ଏଥିରେ ସହଯୋଗ କରିଥିଲେ । ସ୍ଥାନୀୟ ସାମ୍ବାଦିକମାନଙ୍କ ଦୀର୍ଘ ଦିନର ଅଭିଳାଷ ପୂରଣାର୍ଥେ ଏକ ସ୍ବତନ୍ତ୍ର “ସାମ୍ବାଦିକ ଭବନ” ନିର୍ମାଣ କରିଥିବାରୁ ବିଜ୍ଞାପିତ ଅଞ୍ଚଳ ପରିଷଦ କର୍ତ୍ତୃପକ୍ଷଙ୍କୁ ସାମ୍ବାଦିକ ମହଲରୁ କୃତଜ୍ଞତା ଜ୍ଞାପନ କରାଯାଇଛି ।
