ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମ ପରିସରେ ଗଜପତି ଜିଲା ସ୍ତରୀୟ ୭୮ତମ ସ୍ବାଧୀନତା ଦିବସ ଆଡମ୍ବର ସହକାରେ ପାଳିତ ହୋଇଯାଇଛି ..
ଗଜପତି: ପାରଳାଖେମୁଣ୍ଡି ସ୍ଥିତ ଗଜପତି ଷ୍ଟାଡିୟମ ପରିସରେ ଗଜପତି ଜିଲା ସ୍ତରୀୟ ୭୮ତମ ସ୍ବାଧୀନତା ଦିବସ ଆଡମ୍ବର ସହକାରେ ପାଳିତ ହୋଇଯାଇଛି । ଏଥିରେ ରାଜ୍ୟ ବାଣିଜ୍ୟ,ପରିବହନ, ଖଣି ଓ ଇସ୍ପାତ ମନ୍ତ୍ରୀ ବିଭୂତି ଭୂଷଣ ଜେନା ମୁଖ୍ୟ ଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହ ସମ୍ମିଳିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ । ଏହି ସମୟରେ ମନ୍ତ୍ରୀଙ୍କ ମାନବିକତାକୁ ଦେଖି ଉପସ୍ଥିତ ଲୋକେ ଖୁବ ପ୍ରସଂଶା କରିଥିଲେ । ମନ୍ତ୍ରୀ ଶ୍ରୀ ଜେନା ପ୍ୟାରେଡ ପରିଦର୍ଶନ କରୁଥିବା ବେଳେ ଏକ ପ୍ଲାଟୁନରେ ଥିବା ଜଣେ ଛାତ୍ର ହଠାତ୍ ବେହୋସ୍ ହୋଇପଡିଥିଲେ । ଏହା ଦେଖିବା ପରେ ତୁରନ୍ତ ଗାଡିରୁ ଓହ୍ଲାଇ ମନ୍ତ୍ରୀ ସଂପୃକ୍ତ ଛାତ୍ରଙ୍କ ନିକଟକୁ ଯାଇ ତାର ଭଲ ମନ୍ଦ ବୁଝିବା ସହ ଆମ୍ବୁଲାନ୍ସ ଯୋଗେ ଡାକ୍ତରଖାନା ପଠାଇଥିଲେ । ଏହି ଅବସରରେ ବିଭିନ୍ନ ପ୍ରକାର ପ୍ରତିଯୋଗୀତା ଅନୁଷ୍ଠିତ ହୋଇଥିବା ବେଳେ କୃତି ପ୍ରତିଯେଗୀଙ୍କୁ ପୁରସ୍କୃତ କରାଯାଇଥିଲା ।
