ଉମରକୋଟ ଠାରେ ଉପଖଣ୍ଡ ସ୍ତରୀୟ ତୃଣ ଚାଷ ପ୍ରଶିକ୍ଷଣ ଶିବିର ଅନୁଷ୍ଠିତ……
ଉମରକୋଟ:-(ଏମ୍.ଦୀନା°ଶୁ ଆଚାରୀ) ନବରଙ୍ଗପୁର ଜିଲ୍ଲା ପ୍ରାଣୀ ସମ୍ପଦ ବିକାଶ ବିଭାଗ ପକ୍ଷରୁ ଗୋ- ଉନ୍ନୟନ ଓ ତୃଣ ପ୍ରଦର୍ଶନ ଯୋଜନା ଅନ୍ତର୍ଗତ ଦ୍ୱି ଦିବସୀୟ ଉପଖଣ୍ଡ ସ୍ତରୀୟ ତୃଣ ଚାଷ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି।ଉମରକୋଟ ସ୍ଥିତ ଦୁଗ୍ଧ ଉତ୍ପାଦନ କେନ୍ଦ୍ର ପରିସରରେ ଥିବା ସମ୍ମିଳନୀ କକ୍ଷରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜିଲ୍ଲା ମୁଖ୍ୟ ପ୍ରାଣୀ ଚିକିତ୍ସାଧିକାରୀ ଡାକ୍ତର ରାଧେଶ୍ୟାମ ଲାଇକ ଯୋଗଦେଇ ଶିବିରକୁ ଉଦଘାଟନ କରିଥିଲେ। ସମ୍ମାନୀତ ଅତିଥି ଭାବେ ଅତିରିକ୍ତ ଜିଲ୍ଲା ପ୍ରାଣୀ ଚିକିତ୍ସାଧିକାରୀ ଡାକ୍ତର ମନୋରଞ୍ଜନ ନନ୍ଦ (ପ୍ରାଣୀଧନ ଉତ୍ପାଦନ), ଉମରକୋଟ ଗୋଷ୍ଠୀ ପ୍ରାଣୀ ଚିକିତ୍ସା ଅଧିକାରୀ ଡାକ୍ତର ଆଶିଷ ମହାପାତ୍ର, ଫଡର ଅଧିକାରୀ ଦୁର୍ଗା ପ୍ରସାଦ ନାଗ, ହେମନ୍ତ ନାୟକ ପ୍ରମୁଖ ଯୋଗଦେଇ ଥିଲେ । ଏହି ଶିବିରରେ ନବରଙ୍ଗପୁର ଭ୍ରାମ୍ୟମାଣ ପ୍ରାଣୀ ଚିକିତ୍ସା ସେବା ଡାକ୍ତର ପ୍ରଜ୍ଞା ପରିମିତା ପଣ୍ଡା ଯୋଗଦେଇ ତୃଣ ଚାଷ ସମ୍ପର୍କିତ ବିଭିନ୍ନ ବୈଷୟିକ ସୂଚନା ପ୍ରଦାନ କରିଥିଲେ। ଘାସ ପଶୁମାନଙ୍କ ସ୍ୱାସ୍ଥ୍ୟ ପାଇଁ ଲାଭଦାୟକ ଅଟେ । ଯଦି ଘାସକୁ ଗ୍ରୀଷ୍ମ ଋତୁରେ ଗାଈ କିମ୍ବା ମଇଁସିଙ୍କୁ ଖାଇବାକୁ ଦିଅନ୍ତି, ତେବେ ସେମାନଙ୍କର ହଜମ ପ୍ରକ୍ରିୟା ସୁସ୍ଥ ରହିବ। ଏଥି ସହ ସେମାନଙ୍କ ଶରୀର ମଧ୍ୟ ସୁସ୍ଥ ରହିବ । ଘାସର ବିଶେଷତ୍ୱ ହେଉଛି ଯେ ଏହାକୁ ଯେକୌଣସି ଋତୁରେ ଚାଷ କରିପାରିବେ । ଗ୍ରୀଷ୍ମ ଋତୁ ଆସିବା ମାତ୍ରେ ଗାଈ ଓ ମଇଁଷି ଭଲ କ୍ଷୀର ଦେବା ଆରମ୍ଭ କରିଥାନ୍ତି । ଏଭଳି ପରିସ୍ଥିତିରେ ସେମାନଙ୍କୁ ସବୁଜ ଘାସ ଖାଇବାକୁ ଦିଆଯାଏ, ଯାହାଦ୍ୱାରା ସେମାନଙ୍କ ଶରୀରରେ ଜଳୀୟ ଅଂଶର ଅଭାବ ଦେଖାଯାଇନଥାଏ ଏବଂ ସେମାନେ ପୂର୍ବ ପରି କ୍ଷୀର ଦେବା ଜାରି ରଖନ୍ତି । ତଥାପି, ଗ୍ରୀଷ୍ମ ଋତୁରେ ଘାସ ଚାଷ କରିବା ମଧ୍ୟ ଏକ କଷ୍ଟସାଧ୍ୟ ଏବଂ ମହଙ୍ଗା କାର୍ଯ୍ୟ । କାରଣ ଏହାକୁ ପ୍ରତି ଚାରି ରୁ ପାଞ୍ଚ ଦିନରେ ଜଳସେଚନ କରିବାକୁ ପଡ଼ିଥାଏ । କିନ୍ତୁ, ବର୍ତ୍ତମାନ ଚାଷୀଙ୍କୁ ଘାସ ଚାଷ ବିଷୟରେ ଚିନ୍ତା କରିବାକୁ ପଡିବ ନାହିଁ। କାରଣ ଘାସ ଚାଷ ପାଇଁ ସରକାର ବମ୍ପର ସବସିଡି ପ୍ରଦାନ କରୁଛନ୍ତି। ଏଭଳି ପରିସ୍ଥିତିରେ ଘାସ ଚାଷ କରୁଥିବା ଚାଷୀଙ୍କ ପାଇଁ ଏକ ଭଲ ସୁଯୋଗ ରହିଛି। ଏହି ଘାସକୁ ଖୁଆଇବା ଦ୍ୱାରା ଗାଈ ଏବଂ ମଇଁଷି ଅଧିକ କ୍ଷୀର ଦେବା ଆରମ୍ଭ କରିଥାନ୍ତି । ଯଦି ଘାସକୁ ଗ୍ରୀଷ୍ମ ଋତୁରେ ଗାଈ କିମ୍ବା ମଇଁସିଙ୍କୁ ଖାଇବାକୁ ଦିଆଯାଏ ତେବେ ସେମାନଙ୍କର ହଜମ ପ୍ରକ୍ରିୟା ସୁସ୍ଥ ରହିବ। ଏଥି ସହ ସେମାନଙ୍କ ଶରୀର ମଧ୍ୟ ସୁସ୍ଥ ରହିବ । ଘାସର ବିଶେଷତ୍ୱ ହେଉଛି ଯେ ଏହାକୁ ଯେକୌଣସି ଋତୁରେ ଚାଷ କରିପାରିବେ । ଏନେଇ ସରକାର ଏକ ବଡ଼ ଘୋଷଣା କରିଛନ୍ତି । ଯଦି କୃଷକ ଭାଇମାନେ ବର୍ତ୍ତମାନ ଘାସ ଚାଷ କରୁଛନ୍ତି, ତେବେ ସେମାନଙ୍କୁ ସରକାର ଏକର ପିଛା ୩୫ ,୦୦୦ ଟଙ୍କା ସବସିଡି ପ୍ରଦାନ କରୁଛନ୍ତି । ଯଦି କୃଷକମାନେ ଏହି ସବସିଡିର ଲାଭ ଉଠାଇବାକୁ ଚାହାଁନ୍ତି, ତେବେ ସେମାନେ ସରକାରୀ ୱେବସାଇଟ୍ ପରିଦର୍ଶନ କରି ଆବେଦନ କରିପାରିବେ । ବିଭିନ୍ନ କିସମର ଘାସ ଉପଲବ୍ଧ ହେଉଥିବାବେଳେ ହାତୀ ଘାସ ଏକ କିସମ,
ହାତୀ ଘାସକୁ ନାପିଅର୍ ଘାସ ମଧ୍ୟ କୁହାଯାଏ । ବିଶେଷ କଥା ହେଉଛି ହାତୀ ଘାସ ଠିକ୍ ଆଖୁ ପରି ଦେଖିବାକୁ । ଏହାର ଉଚ୍ଚତା ୪ ମିଟର ପର୍ଯ୍ୟନ୍ତ ହୋଇଥାଏ । ବର୍ଷସାରା ହାତୀ ଘାସ ଚାଷ କରିପାରିବେ । ଏହି ଘାସ ଭିତରେ ଅନେକ ପୋଷକ ତତ୍ତ୍ୱ ଭରି ରହିଥାଏ । ଏହାକୁ ଖାଇବା ଦ୍ୱାରା ଗାଈ ଏବଂ ମଇଁସି ଅଧିକ କ୍ଷୀର ଦେବା ଆରମ୍ଭ କରିଥାନ୍ତି । ଏହି ଶିବିରରେ ପ୍ରାଣୀ ମିତ୍ର ସହ ୬୦ ରୁ ଉର୍ଦ୍ଧ୍ବ ଗୋ ପାଳକ ଯୋଗଦେଇ ତାଲିମ ନେଇଥିଲେ। କାର୍ଯ୍ୟକ୍ରମ ଶେଷରେ ଓମଫେଡ୍ ୟୁନିଟ୍ ଇନ୍ ଚାର୍ଜ ପ୍ରଶାନ୍ତ କୁମାର ବିଶ୍ଵାଳ ଅଧିକ ସୂଚନା ପ୍ରଦାନ କରିବା ସହ ଧନ୍ୟବାଦ ଅର୍ପଣ କରିଥିଲେ।
