ଓଡ଼ିଶା ଆଜାଦ୍ ହିନ୍ଦ୍ ଫୌଜ ସଂଗଠନର ଆଲୋଚନାଚକ୍ର

କବିସୂର୍ଯ୍ୟନଗର,୧୪/୦୭,ଆଜି କବିସୂର୍ଯ୍ୟନଗର ସ୍ଥିତ ବନଦେବୀ ମନ୍ଦିର ପ୍ରାଙ୍ଗଣରେ ଓଡ଼ିଶା ଆଜାଦ୍ ହିନ୍ଦ୍ ଫୌଜ ସଂଗଠନର ଏକ ସ୍ଵତନ୍ତ୍ର ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି I ସଂଗଠନର ସଭାପତି ପୀତବାସ ବିଶ୍ୱାଳଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସଂଗଠନର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରାଯିବା ସହ ସଂଘ ତରଫରୁ ଥିବା ବିଭିନ୍ନ ଦାବିକୁ ସରକାରଙ୍କ ନିକଟରେ ଉପସ୍ଥାପନ କରିବା ପାଇଁ ନିଷ୍ପତି ଗ୍ରହଣ କରାଯାଇଥିଲା I ବିଶେଷ କରି ରାଜ୍ୟ ସରକାରଙ୍କ କୁଟୁମ୍ୱ ଯୋଜନାରେ ସଂଗଠନର ସଦସ୍ୟକୁ ସାମିଲ୍ କରିବା,ସ୍ୱାଧୀନତା ସଂଗ୍ରାମୀଙ୍କ ପରିବାର ସଦସ୍ୟଙ୍କ ପାଇଁ ଉଚ୍ଚ ଶିକ୍ଷା ଏବଂ ବୈଷୟିକ ଶିକ୍ଷା କ୍ଷେତ୍ରରେ ୫℅ ସିଟ୍ ସଂରକ୍ଷଣ ଏବଂ ଓଡ଼ିଶା ସରକାରଙ୍କ ନିଯୁକ୍ତି କ୍ଷେତ୍ରରେ ସ୍ୱାଧୀନତା ସଂଗ୍ରାମୀଙ୍କ ଦାୟଦଙ୍କ ପାଇଁ ୫℅ ଆସନ ସଂରକ୍ଷଣ,ବନ୍ଦ ହୋଇଯାଇଥିବା ରେଳୱେ ପାସ୍ ପୁନଃ ପ୍ରଚଳନ ଆଦି ଦାବି ସମ୍ପର୍କରେ ଆଲୋଚନା କରାଯାଇଥିଲା I ବୈଠକରେ ସଂଗଠନର ଉପସଭାପତି ବଂଶୀଧର ଗୌଡ଼, ସମ୍ପାଦକ ରାମ ବଲ୍ଲଭ ବେହେରା, ସହ ସମ୍ପାଦକ ମୋଚିରମ୍ ବେହେରା, କୋଷାଧ୍ୟକ୍ଷ କେଦାରଶ୍ୱର୍ ପରିଡ଼ା ,ସଭ୍ୟ ସାଗର ପ୍ରଧାନ, ଶିବରାମ ସାହୁ,ପ୍ରମିଳା ମହାରଣା, ପ୍ରଭାସିନୀ ମହାରଣା, ଗୁରୁଦେବ ପ୍ରଧାନ ପ୍ରମୁଖ ଉପସ୍ଥିତ ଥିଲେ Iବେଲଗୁଣ୍ଟା,ରିପୋଟର,ପଞ୍ଚାନନ,ସାହୁ