ଓଇଏସ ପାଇଲେ ଶିକ୍ଷୟତ୍ରୀ ଲୋପାମୁଦ୍ରା

ବୁଗୁଡ଼ା : ତା ୧୫/୦୫/୨୩ : ବୁଗୁଡ଼ା ବ୍ଲକ ଅନ୍ତର୍ଗତ ବି.କରଡ଼ାବାଡ଼ି ହାଇସ୍କୁଲରେ ସହକାରୀ ଶିକ୍ଷୟିତ୍ରୀ ଭାବେ କାର୍ଯ୍ୟରତ ଲୋପାମୁଦ୍ରା ରଥ ଓଇଏସ ପରୀକ୍ଷାରେ ୬୭ ନମ୍ବର ରେଙ୍କରେ ଉତ୍ତୀର୍ଣ୍ଣ ହୋଇଥିବା ଜଣା ପଡିଛି l ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ଛାମୁଣ୍ଡା ଗ୍ରାମର ଲିଙ୍ଗରାଜ ରଥଙ୍କ କନ୍ୟା ଲୋପାମୁଦ୍ରା ବୁଗୁଡ଼ା ବ୍ଲକ ଅନ୍ତର୍ଗତ ସଦାଶିବପୁର ଶାସନ ଗ୍ରାମର କାହ୍ନୁ ଚରଣ ଖାଡ଼ଙ୍ଗାଙ୍କୁ ବିବାହ କରିଛନ୍ତି l ସେ ନିକଟସ୍ଥ ବି.କରଡ଼ାବାଡ଼ି ଗ୍ରାମର ସର୍ଦ୍ଦାର ଅନ୍ତର୍ଯ୍ୟାମୀ ବିଦ୍ୟାପୀଠରେ ୨୦୨୧ରୁ ଟିଜିଟି କଳା ଶିକ୍ଷୟତ୍ରୀ ଭାବେ କାର୍ଯ୍ୟରତ ଥିଲେ l ଲୋପାମୁଦ୍ରା ପ୍ରଥମ ଚେଷ୍ଟାରେ ସଫଳ ହୋଇଛନ୍ତି l ତାଙ୍କର ଏହି ସଫଳତା ପାଇଁ ବିଦ୍ୟାଳୟ ସମସ୍ତ ଶିକ୍ଷକ ଶିକ୍ଷୟତ୍ରୀ ତାଙ୍କୁ ଶୁଭେଚ୍ଛା ଜଣାଇ ଥିବାବେଳେ ବୁଗୁଡ଼ା ଓ ଜଗନ୍ନାଥପ୍ରସାଦ ଅଞ୍ଚଳରେ ଆନନ୍ଦର ଲହରୀ ଖେଳି ଯାଇଛି l