ଭାରତ ସ୍କାଉଟ ଗାଇଡର ସାଧାରଣ ବୈଠକ ଅନୁଷ୍ଠିତ। 

ବୋଲଗଡ,(ଉପାନ୍ତ ଖବର):ବୋଲଗଡ଼ ବ୍ଲକ ଭାରତ ସ୍କାଉଟ ଗାଇଡର ସାଧାରଣ ବୈଠକ ବୁଧବାର ଦିନ ବୋଲଗଡ଼ସ୍ଥିତ ସରକାରୀ ଉଚ୍ଚ ବିଦ୍ୟାଳୟଠାରେ ଅନୁଷ୍ଠିତ ହୋଇଯାଇଛି । ବୋଲଗଡ଼ ବ୍ଲକ ଭାରତ ସ୍କାଉଟ ଗାଇଡ କମିଟିର ଉପସଭାପତି ଯାଜ୍ଞସେନୀ ସାହୁ ଏବଂ ସମ୍ପାଦକ ପ୍ରମୋଦ କୁମାର ସ୍ବାଇଁଙ୍କ ମିଳିତ ଆବାହାକତ୍ୱରେ ଅନୁଷ୍ଠିତ ଉକ୍ତ ବୈଠକରେ କମିଟିର

କମିଶନର ତଥା ସଭାପତି ଗୋକୁଳ ଚନ୍ଦ୍ର ବଳବନ୍ତରାୟ ପୌରୋହିତ୍ୟ କରିଥିଲେ । ମୁଖ୍ୟ ଅତିଥି ରୂପେ ଯୋଗ ଦେଇଥିବା ପ୍ରାକ୍ତନ ଜିଲ୍ଲା ସ୍କାଉଟ କମିଶନର ପୀତାବାସ ପଟ୍ଟନାୟକ,ସମ୍ମାନିତ ଅତିଥି ରୂପେ ଉପସ୍ଥିତ ଗୀତଞ୍ଜଳି ମହାପାତ୍ର

ଯୋଗଦେଇ ଆସନ୍ତା ୨୨ତାରିଖରୁ ଜିଲ୍ଲା କ୍ୟାମ୍ପରୀରେ

ସ୍କାଉଟ ଛାତ୍ର ଓ ଗାଇଡ ଛାତ୍ରୀମାନଙ୍କ ଦ୍ୱାରା ପ୍ରଦର୍ଶିତ ହେବାକୁ ଥିବା ୧୪ଟି ଘଟଣା ବିଷୟରେ ବିଷଦ ଭାବରେ ଆଲୋଚନା କରିବା ସହ ସ୍କାଉଟ ଏବଂ ଗାଇଡର ଉପାଦେୟତା ସମ୍ପର୍କରେ ଆଲୋକପାତ କରିଥିଲେ। ଉକ୍ତ ବୈଠକରେ ପ୍ରଧାନ ଶିକ୍ଷକ ଧ୍ରୁବ ଚରଣ ତ୍ରିପାଠୀ, ବନମାଳି ସାହୁ, କ୍ଷେତ୍ରମୋହନ ରଣା, ସନ୍ତୋଷ ସାହୁ, ଶ୍ରୀଧର ସାହୁ, ପ୍ରମୋଦ ସାହୁ, ଯୋଚିନ୍ଦ୍ର ଦାସ ଏବଂ

ପ୍ରଧାନ ଶିକ୍ଷୟିତ୍ରୀ ଜ୍ୟୋତିର୍ମୟୀ ସାହୁ, ଜ୍ୟୋତ୍ସ୍ନାରାଣୀ ବେହେରା, ପ୍ରଣତି ସିଂହ ଓ କମିଟିର ସହ ସମ୍ପାଦକ ମିହିର ଭୋଇ, ସମ୍ପାଦିକା

ଶୁଭଶ୍ରୀ ପଟ୍ଟନାୟକ ଯୋଗଦେଇ ନିଜର ମତ ଉପସ୍ଥାପନ କରଥିଲେ। କମିଶନର ଶ୍ରୀ ବଳବନ୍ତରାୟଙ୍କ ନିର୍ଦ୍ଦେଶରେ ଆସନ୍ତା ସୋମବାର ଦିନ ମୁଖ୍ୟ ଅତିଥି ଶ୍ରୀ ପଟ୍ଟନାୟକଙ୍କ ଉପସ୍ଥିତି ଓ ପରାମର୍ଶରେ କ୍ୟାମ୍ପୋରୀରେ ଅଂଶ ଗ୍ରହଣ ପାଇଁ ସ୍କାଉଟ, ଗାଇଡ

ବିଦ୍ୟାର୍ଥୀମାନଙ୍କୁ ଚୟନ କରି ପ୍ରଶିକ୍ଷଣ ପ୍ରଦାନ କରିବା ପାଇଁ

ଉପସଭାପତି ସୁଶ୍ରୀ ସାହୁ ଏବଂ ସମ୍ପାଦକ ଶ୍ରୀ ସ୍ବାଇଁଙ୍କ ଦ୍ୱାରା ସ୍କାଉଟ ମାଷ୍ଟର ଅଶୋକ ଦାସ, ଦିପ୍ତୀରଂଜନ ଦାସ, ଶେଶି କୁମାର ପଟାଙ୍ଗୀ, ପଦ୍ମ

ଚରଣ ବିଶୋଇ, ଶାନ୍ତନୁ ଶ୍ରୀଚନ୍ଦନ, ଦୈତାରି ଡିଗଲ, ରଜନୀ କାନ୍ତ ପୃଷ୍ଟି, ସତ୍ୟବ୍ରତ ନାୟକ, ଅମୀୟ ମଙ୍ଗରାଜ ଏବଂ ଗାଇଡ କ୍ୟାପଟେନ

ପ୍ରୀତି ପ୍ରତୀକ୍ଷା ସାହୁ, ନମିତା ସାହୁ, ସୀତା ସୋରେନଙ୍କ ମଧ୍ୟରେ ସମସ୍ତ ଦାୟିତ୍ୱ ବଣ୍ଟନ କରାଯାଇଥିଲା ।ପରିଶେଷରେ ସହ ସମ୍ପାଦିକା ସୁଶ୍ରୀ ପଟ୍ଟନାୟକ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।

ରିପୋର୍ଟ-ସୁଶାନ୍ତ କୁମାର ପ୍ରଧାନ।