ଆଜ୍ ତକ୍ ସାହିତ୍ୟ ଉତ୍ସବରେ ସମ୍ବଲପୁରରୁ କବି ଦୁର୍ଗା ପ୍ରସାଦ ପଣ୍ଡା

ସମ୍ବଲପୁର,(ରାଜାରାମ ଷଡ଼ଙ୍ଗୀ):ଦେଶର ପ୍ରତିଷ୍ଠିତ ସମ୍ବାଦ ସରବରାହ ସଂସ୍ଥା ‘ ଇଣ୍ଡିଆ ଟୁଡେ ଗ୍ରୁପ୍ ‘ ଦ୍ବାରା ପ୍ରାୟୋଜିତ ମର୍ଯ୍ୟାଦାଜନକ ‘ ଆଜ୍ ତକ୍ ‘ ସାହିତ୍ୟ ଉତ୍ସବରେ ଯୋଗ ଦେବାପାଇଁ ସମ୍ବଲପୁର ସହରର ଜଣାଶୁଣା କବି ଦୁର୍ଗା ପ୍ରସାଦ ପଣ୍ଡା ନିମନ୍ତ୍ରିତ ହୋଇଛନ୍ତି l
ଆସନ୍ତା ନଭେମ୍ବର ୨୨,୨୩ ଓ ୨୪ତାରିଖ ତିନିଦିନ ବ୍ୟାପି ଦିଲ୍ଲୀରେ ହେବାକୁଥିବା ଏ ସାହିତ୍ୟ ଓ ସଂସ୍କୃତି ଉତ୍ସବରେ ଭାଗନେଇ ୨୪ ତାରିଖ ର କାର୍ଯକ୍ରମ ‘ ଭାଷା ସାହିତ୍ୟ: କାଲି ଆଜି ଓ ଆସନ୍ତାକାଲି ‘ ଶୀର୍ଷକରେ ହେବାକୁ ଥିବା ଏକ ସଙ୍ଗୋଷ୍ଠିରେ କବି ଦୁର୍ଗା ପ୍ରସାଦ ପଣ୍ଡା ନିଜର ମତ ଉପସ୍ଥାପନ କରିବେ l ତାଙ୍କ ସହିତ ବଙ୍ଗଳାରୁ ପ୍ରବାଳ କୁମାର ବସୁ, ଅହମୀୟା ରୁ ମୈତ୍ରେୟୀ ପାତର ଓ ଗୁଜୁରାଟୀରୁ ମେହୁଳ ଦେବକଳା ନିଜ ନିଜ ମତ ବିନିମୟ କରିବେ l ତ୍ରିଦିବସୀୟ ଉତ୍ସବର ବିଭିନ୍ନ ଦିନ ମାନଙ୍କରେ ସାରା ଦେଶର ଆମନ୍ତ୍ରିତ ଅନେକ ପ୍ରତିଷ୍ଠିତ ଓ ମାନ୍ୟଗଣ୍ୟ କବି , ଲେଖକ, ଗାୟକ, ସିନେ କଳାକାର , ସାମ୍ବାଦିକ, ରାଜନେତା , କଳାକାର ଯୋଗ ଦେଇ ଉତ୍ସବର ବୌଦ୍ଧିକ ବାତାବରଣକୁ ରୁଦ୍ଧିମନ୍ତ କରିବା କାର୍ଯ୍ୟକ୍ରମ ରହିଛି।