ପିପୁଲ୍ସ କଲେଜର ନୂତନ ଆଇକ୍ୟୁଏସି କମିଟି ଗଠିତ

ପିପୁଲ୍ସ କଲେଜର ନୂତନ ଆଇକ୍ୟୁଏସି କମିଟି ଗଠିତ
ବୁଗୁଡ଼ା : ତା ୧୨/୦୭/୨୩ : ସ୍ଥାନୀୟ ପିପୁଲ୍ସ କଲେଜର ନୂତନ ଆଇକ୍ୟୁଏସି କମିଟି ଗଠିତ ହୋଇଯାଇଛି । ଏଥିରେ କଲେଜ ଅଧ୍ୟକ୍ଷ ହରିକୃଷ୍ଣ ନାୟକ ଚେୟାରପର୍ସନ୍ ଏବଂ ଅଧ୍ୟାପକ ପ୍ରଦୀପ କୁମାର ଦାଶ ସଂଯୋଜକ ଭାବେ ରହିଥିବା ବେଳେ ଅଧ୍ଯାପକ ଜୟରାମ ବିଷୋୟୀ , ସଞ୍ଜୟ କୁମାର ପ୍ରଧାନ , ଆତ୍ମପ୍ରକାଶ ନାୟକ , ଦିଲ୍ଲୀପ କୁମାର ସେଠୀ ଓ ଅଧ୍ୟାପିକା ସନ୍ଧ୍ଯାରାଣୀ ସାହୁଙ୍କ ସମେତ କ୍ରୀଡ଼ା ଶିକ୍ଷକ କ୍ରିଷ୍ଣା ରାଓ ପାତ୍ର ଓ ଡେମୋନଷ୍ଟେଟର୍ ରାମକୃଷ୍ଣ ନାୟକ ପ୍ରମୁଖ ସଦସ୍ୟ ଭାବେ ରହିଛନ୍ତି । ଏଥି ସହ କଲେଜ ପରିଚାଳନା କମିଟି ପକ୍ଷରୁ ସଭାପତି ରଜନୀ କାନ୍ତ ଭଟ୍ଟ , ପ୍ରାକ୍ତନ ଛାତ୍ର ସଂସଦ ତରଫରୁ ଅଧ୍ଯାପକ ଶ୍ରୀକାନ୍ତ ସାହୁ ଓ ମହବିଦ୍ୟାଳୟ ତରଫରୁ ପ୍ରାକ୍ତନ ଅଧ୍ଯକ୍ଷ ବୃନ୍ଦାବନ ନାୟକ ପ୍ରମୁଖ ମଧ୍ୟ ସଦସ୍ୟ ଭାବେ ଉକ୍ତ କମିଟିରେ ଅବସ୍ଥାପିତ ହୋଇଛନ୍ତି । ଏ ଅବସରରେ ଆଗାମୀ ଦିନରେ କଲେଜର ନାକ୍ ଏକ୍ରିଡେସନ୍ ପାଇଁ ଯଥୋଚିତ ଓ ଯଥାସାଧ୍ୟ ପ୍ରଚେଷ୍ଟା କରାଯିବ ବୋଲି ନୂତନ କମିଟି ପକ୍ଷରୁ ପ୍ରକାଶ ପାଇଛି ।