ସ୍ତ୍ରୀଙ୍କ ନିଖୋଜ ନେଇ ସ୍ବାମୀଙ୍କ ଅଭିଯୋଗ 

ବୁଗୁଡ଼ା : ତା ୧୨/୦୪/୨୩ : ଘରେ ଶିଶୁ କନ୍ୟାକୁ ଛାଡି କେଉଁ ଆଡେ ଚାଲିଗଲେ ମହିଳା l ଘଟଣା ଘଟିଛି ବୁଗୁଡ଼ା ଥାନା ଅନ୍ତର୍ଗତ ବେତାରସିଂ ଗ୍ରାମରେ l ଗ୍ରାମର ସୁଦେଷ୍ଣା ନାଇକ (୨୮) ଆଜି ସକାଳେ କେଉଁ ଆଡେ ଚାଲି ଯାଇଥିବା ବେଳେ ତାଙ୍କର ସ୍ୱାମୀ କୃଷ୍ଣ ନାଇକ ଏ ନେଇ ବୁଗୁଡ଼ା ଥାନାରେ ଅଭିଯୋଗ କରିଛନ୍ତି l କୃଷ୍ଣ ଆଜି ଭୋର ସମୟରେ ନିଜର ୩ ବର୍ଷର ଝିଅକୁ ଧରି ଦଣ୍ଡନାଚ ଦେଖି ଯାଇଥିବା ବେଳେ ଘରେ କୃଷ୍ଣଙ୍କ ଶାଶୁ ଓ ଶଳା ଶୋଇଥିଲେ l କୃଷ୍ଣ କିଛି ସମୟ ପରେ ଘରକୁ ଫେରିଲା ବେଳକୁ ଘରେ ସ୍ତ୍ରୀ ନ ଥିବା ଜଣା ପଡିଥିଲା l ବିଭିନ୍ନ ସ୍ଥାନରେ ଖୋଜା ଖୋଜି କରି ନିରାଶ ହେବା ପରେ ବୁଗୁଡ଼ା ଥାନାରେ ସ୍ତ୍ରୀ ନିଖୋଜ ହୋଇ ଯାଇଥିବା ନେଇ ଏତଲା ଦେଇଛନ୍ତି l ଏ ନେଇ ଆଡିସନାଲ୍ ଆଇଆଇସି ଶର୍ମିଷ୍ଠା ପ୍ରଧାନ ୧୨/୨୩ ରେ ଏକ ନିଖୋଜ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିବା ଜଣା ପଡିଛି l