ପୂର୍ବତନ ସହକାରୀ ଯନ୍ତ୍ରୀଙ୍କ ବିୟୋଗରେ ଶୋକସଭା
ପୂର୍ବତନ ସହକାରୀ ଯନ୍ତ୍ରୀଙ୍କ ବିୟୋଗରେ ଶୋକସଭା
ହାଟଡିହି ବ୍ଲକ୍ ର ପୂର୍ବତନ ସହକାରିଯନ୍ତ୍ରୀ ତଥା ବର୍ତମାନର ଝୁମ୍ପୁରା ବ୍ଲକ୍ ର କନିଷ୍ଠଯନ୍ତ୍ରୀ ଥିବା ନନିନ୍ଦ୍ରନାଥ ନାୟକଙ୍କ ଅକାଳ ଵିୟୋଗରେ ହାଟଡିହି ବ୍ଲକ୍ ପକ୍ଷରୁ ଗଭୀର ଶୋକ ପ୍ରକାଶ ପାଇଛି । ଗତକାଲି ଶ୍ରୀ ନାୟକ ଏକ ଦୁର୍ଘଟଣାର ଶିକାର ହୋଇ ମୃତୁବରଣ କରିଥିବା ଜଣାପଡିବା ପରେ ଆଜି ବିଡ଼ିଓ ସୁଶ୍ରୀ ବିନିତା ବିଜୟିନୀଙ୍କ ସଂଯୋଜନାରେ ଅନୁଷ୍ଠିତ ହୋଇଥିଲା । ଏଥିରେ ବ୍ଲକ୍ ର ସମସ୍ତ ଯନ୍ତ୍ରୀ ଓ କର୍ମଚାରୀମାନେ ସାମିଲ ହୋଇ ସ୍ବର୍ଗତ ନାୟକଙ୍କ ସ୍ମୃତିଚରଣ କରିବା ସହିତ ତାଙ୍କ ଅମର ଆତ୍ମାର ସଦଗତି ନିମନ୍ତେ ୨ ମିନିଟ ନିରବ ପ୍ରାଥନା କରାଯାଇଥିଲା । ସ୍ବର୍ଗତ ନାୟକ ଜଣେ ମିଷ୍ଟାଭାସୀ,କର୍ତବ୍ୟ ପରାୟଣ ବ୍ୟକ୍ତି ଭାବେ ପରିଚିତ ଥିଲେ । ଏଠାରେ କାର୍ଯ୍ୟ କରୁଥିବା ସମୟରେ ସେ ସମସ୍ତଙ୍କ ପ୍ରିୟ ଭାଜନ ହୋଇପାରିଥିଲେ ।
କେନ୍ଦୁଝର ଜିଲ୍ଲା ରିପୋର୍ଟର ମନମୋହନ ନାୟକ।
