ବୁଗୁଡ଼ା ବ୍ଲକରୁ ନବୋଦୟ ପାଇଲେ ଡି.ଚିନ୍ମୟ ଦୋରା
ବୁଗୁଡ଼ା ବ୍ଲକରୁ ନବୋଦୟ ପାଇଲେ ଡି.ଚିନ୍ମୟ ଦୋରା
ବୁଗୁଡ଼ା : ତା ୧୦/୦୭/୨୩ : ବୁଗୁଡ଼ା ବ୍ଲକରୁ ଜଣେ ମାତ୍ର ଛାତ୍ର ଡି.ଚିନ୍ମୟ ଦୋରା ଷଷ୍ଠ ଶ୍ରେଣୀ ନବୋଦୟର ପ୍ରବେଶିକା ପରୀକ୍ଷାରେ କୃତକାର୍ଯ୍ୟ ହୋଇଥିବା ଜଣାଯାଇଛି । ଗତ ଅପ୍ରେଲ ମାସରେ ପିପୁଲ୍ସ ହାଇସ୍କୁଲ କେନ୍ଦ୍ରରେ ଅନୁଷ୍ଠିତ ନବୋଦୟ ପ୍ରବେଶିକା ପରୀକ୍ଷାରେ ବୁଗୁଡ଼ା ବ୍ଲକ ଅନ୍ତର୍ଗତ ବିଭିନ୍ନ ବିଦ୍ୟାଳୟର ମୋଟ ୧୭୫ ଜଣ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ । ତେବେ ବାଲିପଦର ସରକାରୀ ନୋଡାଲ ଉଚ୍ଚ ପ୍ରାଥମିକ ବିଦ୍ୟାଳୟର ଛାତ୍ର ଚିନ୍ମୟ ହିଁ ନବୋଦୟ ବିଦ୍ୟାଳୟରେ ଅଧ୍ୟୟନ ନିମନ୍ତେ ସୁଯୋଗ ହାସଲ କରିପାରିଥିବାରୁ ବିଦ୍ୟାଳୟର ଶିକ୍ଷକ ଓ ଶିକ୍ଷୟିତ୍ରୀମାନେ ତାଙ୍କର ସଫଳତାକୁ ନେଇ ଖୁସିବ୍ଯକ୍ତ କରିଛନ୍ତି । ଅନ୍ଯପକ୍ଷରେ ଚିନ୍ମୟ ନିଜର ଆଗାମୀ ଅଧ୍ଯୟନ ନବୋଦୟ ବିଦ୍ୟାଳୟରେ ସମ୍ପୂର୍ଣ୍ଣ କରିବାକୁ ଥିବାରୁ ନିଜ ଭବିଷ୍ୟତକୁ ନେଇ ଖୁବ୍ ଆଶାବାଦୀ ଅଛନ୍ତି ।
