ପ୍ରଥମ ଥର ରୋହିତ ଶର୍ମା କଲେ ଏଭଳି ଅର୍ଦ୍ଧଶତକ, ଚାମ୍ପିଅନ୍ସ ଟ୍ରଫି ଫାଇନାଲ୍ରେ ରଚିଲେ ଇତିହାସ
ରୋହିତ ଶର୍ମା ଚାମ୍ପିଅନ୍ସ ଟ୍ରଫି ୨୦୨୫ ଫାଇନାଲରେ ଦମଦାର ବ୍ୟାଟିଂ କରିଛନ୍ତି । ଏହି ମ୍ୟାଚ୍ରେ ସେ ୪୧ ବଲ୍ର ଅର୍ଦ୍ଧଶତକ ହାସଲ କରିଛନ୍ତି । ତାଙ୍କର ଏହି ଅର୍ଦ୍ଧଶତକ ବହୁତ ସ୍ୱତନ୍ତ୍ର, କାରଣ ସେ ପ୍ରଥମ ଥର ପାଇଁ ICC ଟୁର୍ଣ୍ଣାମେଣ୍ଟ ଫାଇନାଲରେ ଏହା କରିଛନ୍ତି । ଏହି ଦୃଷ୍ଟିକୋଣରୁ ତାଙ୍କର ଇନିଂସ ଐତିହାସିକ । ପୂର୍ବରୁ ସେ କେବେ ବି କୌଣସି ଆଇସିସି ଟୁର୍ଣ୍ଣାମେଣ୍ଟର ଟାଇଟଲ ମ୍ୟାଚ୍ରେ ଅର୍ଦ୍ଧଶତକ ହାସଲ କରିପାରି ନଥିଲେ । କେବଳ ଏତିକି ନୁହେଁ, ରୋହିତଙ୍କ ଦ୍ରୁତ ଅର୍ଦ୍ଧଶତକ ଯୋଗୁଁ ଟିମ୍ ଇଣ୍ଡିଆ ଫାଇନାଲରେ ଏକ ଦୃଢ଼ ଆରମ୍ଭ ପାଇଥିଲା ।
ରୋହିତ ଶର୍ମା ICC ଟୁର୍ଣ୍ଣାମେଣ୍ଟରେ ତାଙ୍କର ଦମଦାର ପ୍ରଦର୍ଶନ ପାଇଁ ଜଣାଶୁଣା । ସେ ତାଙ୍କ କ୍ୟାରିୟରରେ ଅନେକ ଥର ଭାରତୀୟ ଦଳ ପାଇଁ ଏହା କରିଛନ୍ତି । ପ୍ରତ୍ୟେକ ପ୍ରମୁଖ ଆଇସିସି ଟୁର୍ଣ୍ଣାମେଣ୍ଟରେ ବହୁତ ରନ୍ କରିଛନ୍ତି। କିନ୍ତୁ ଦଳକୁ ଦ୍ରୁତ ଆରମ୍ଭ ଦେବା ପରେ, ଶୀଘ୍ର ରନ୍ ସଂଗ୍ରହ କରିବା ପାଇଁ ସେ ପ୍ରାୟତଃ ଶେଷ ମ୍ୟାଚ୍ରେ ଏକ ବଡ଼ ଇନିଂସ ଖେଳିବାରୁ ବଞ୍ଚିତ ହେଉଥିଲେ । ସେ ୨୦୨୩ ODI ବିଶ୍ୱକପର ଫାଇନାଲରେ ସମାନ ଭୁଲ କରିଥିଲେ । କିନ୍ତୁ ସେ ଦୁବାଇରେ ନ୍ୟୁଜିଲାଣ୍ଡ ବିପକ୍ଷରେ ଭଲ ପ୍ରଦର୍ଶନ କରିଛନ୍ତି ।
ଚାମ୍ପିଅନ୍ସ ଟ୍ରଫି ୨୦୨୫ ଫାଇନାଲ୍ରେ ରୋହିଲ ଏବଂ ଶୁଭମନ ଗିଲ୍ ଭଲ ଆରମ୍ଭ କରିଥିଲେ । କ୍ରିଜ୍ରେ ରୋହିତ ଥିବା ବେଳେ ଗିଲ୍ କ୍ୟାଚ୍ ଆଉଟ୍ ହୋଇ ପ୍ୟାଭିଲିୟନ ଫେରିଥିଲେ । ପରେ ବିରାଟ କୋହଲି ଏଲବିଡବ୍ଲୁ ହୋଇଥିଲେ । ତେବେ ଫାଇନାଲ୍ରେ ନ୍ୟୁଜିଲାଣ୍ଡ ୨୫୧ ରନ୍ କରିଛି । ଚାମ୍ପିଅନ୍ସ ଟ୍ରଫି ଜିତିବାକୁ ହେଲେ ଟିମ୍ ଇଣ୍ଡିଆାକୁ ୨୫୨ ରନ୍ ଆବଶ୍ୟକ ।
