ଉମରକୋଟ, ହତ୍ୟା ଅଭିଯୋଗ ଆଣିଲେ ପରିବାର ଲୋକେ….
ଉମରକୋଟ :-(ଏମ୍.ଦିନା°ଶୁ ଆଚାରୀ) ଯୁବକ ଙ୍କୁ ହତ୍ୟା କରିଥିବା ଅଭିଯୋଗ ନେଇ ଥାନାରେ ଦ୍ବାରସ୍ଥ ହୋଇଛନ୍ତି ପରିବାର ଲୋକେ। ଏଭଳି ଏକ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ପୈାର ପରିଷଦର ଚଢ଼େଇ ଗୁଡା ରେ। ମିଳିଥିବା ସୂଚନା ଅନୁସାରେ ଆଜି ସକାଳେ ଗାଁ ର କିଛି ମହିଳା ପ୍ରାତଃ ଭ୍ରମଣରେ ଯାଉଥିଲେ ।
ଏହି ସମୟରେ ଗାଁ ଠାରୁ ଅଳ୍ପ ଦୂରରେ କେନାଲ ହୁଡ଼ା ଉପରେ ଏକ ବାଇକ୍ ସହ ଗୋଟିଏ ଯୁବକ ପଡ଼ିଥିଲା ।ଏହା ଦେଖି ମହିଳା ମାନେ ଗଣେଶ ଙ୍କ ଖବର ଦେଇଥିଲେ। ଗଣେଶ ଖବର ପାଇ ଘଟଣାସ୍ଥଳରେ ପହଞ୍ଚି ଶବ ଚିହ୍ନଟ କରିଥିଲେ। ସେ ଯୁବକ ଆଉ କିଏ ନଥିଲା ନିଜ ପୁଅ ନିରଞ୍ଜନ (୨୨) । ଏନେଇ ଗଣେଶ ଉମରକୋଟ ଥାନାରେ ଲିଖିତ ଅଭିଯୋଗ କରିଥିଲେ। ଗଣେଶ ଏତଲାରେ ଏହା ଦର୍ଶାଇଛନ୍ତି ଯେ ନିରଞ୍ଜନ କୁ କେହି ହତ୍ୟା କରାଯାଇଥିବା ସନ୍ଦେହ କରିଛନ୍ତି। ସୂଚନା ଅନୁସାରେ ନିରଞ୍ଜନ ଗତକାଲି ରାତିରେ କାମ କରୁଥିବା ପେଟ୍ରୋଲ ପମ୍ପ କୁ ଯିବା ପାଈଁ ବାଇକ୍ ସହ ଘରୁ ବାହାରି ଥିଲେ ।ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରିବା ସହ ବ୍ୟବଛେଦ ପାଇଁ ସ୍ଥାନୀୟ ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ। ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଥିଲା। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଚଳାଇଛନ୍ତି। ତଦନ୍ତ ଭାର ଏସଆଇ ଶିବଜି ପଣ୍ଡା ଓ ଅକ୍ଷୟ ମିଶ୍ର ସମ୍ଭାଳିଛନ୍ତି।
