କାର୍ଯ୍ୟନିର୍ବାହୀ ଅଧିକାରୀ କୁ ଅଭିଯୋଗ କଲେ ବରପଲ୍ଲୀ ଗ୍ରାମ ବାସି 

ଗଞ୍ଜାମ – ପ୍ରଦୀପ କୁମାର ପଣ୍ଡା

ଗଞ୍ଜାମ ଏନଏସି ଅନ୍ତର୍ଗତ ୱାର୍ଡ ନ 9 ବରପଲ୍ଲୀ ରାସ୍ତା ନିର୍ମାଣ କାର୍ଯ୍ୟ ନିମ୍ନ ମାନର ବୋଲି ଗ୍ରାମବାସୀ ଏନଏସି କାର୍ଯ୍ୟନିର୍ବାହୀ ଅଧିକାରୀଙ୍କ ଠାରେ ଅଭିଯୋଗ କରିଥିଲେ l ଗ୍ରାମବାସୀଙ୍କ ଅଭିଯୋଗ ପରେ ଏନଏସି କାର୍ଯ୍ୟ ନିର୍ବାହୀଅଧିକାରୀ ଅବିନାଶ ମିଶ୍ର ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛନ୍ତି l ଇଓଙ୍କ ଉପସ୍ଥିତରେ ରାସ୍ତା ମଝିରୁ ଫେବର ବାହାର କରି କାମର ଗୁଣ ଓ ମାନ ଯାଞ୍ଚ କରିଥିଲେ କନିଷ୍ଠ ଯନ୍ତ୍ରୀ ମାନସ ରଞ୍ଜନ ପଣ୍ଡା l ଟେଣ୍ଟର ଅନୁସାରେ ସମସ୍ତ ଗାଇଡ଼ ଲାଇନକୁ ଅନୁସରଣ କରି କାମ କରିବା ସହ ନିର୍ଧାରିତ ସମୟରେ କାମ ସମ୍ପୂର୍ଣ କରିବାକୁ ଇଓ ମିଶ୍ର ଠିକାଦାରଙ୍କୁ ତାଗିଦ କରିଛନ୍ତି l ପରେ ଇଓ ମିଶ୍ର ଗ୍ରାମବାସୀଙ୍କ ସହ ଆଲୋଚନା କରି ଠିକ ସମୟରେ କାମ ସାରିବାକୁ ପ୍ରତିଶୃତି ଦେଇଛନ୍ତି l ଇଓଙ୍କ ପରିଦର୍ଶନ ବେଳେ କନିଷ୍ଠ ଯନ୍ତ୍ରୀ ପଣ୍ଡାଙ୍କ ସମେତ ମହିଳା କନିଷ୍ଠ ଯନ୍ତ୍ରୀ ବିଷ୍ଣୁପ୍ରିୟା ସାବତ, ଗ୍ରାମର ସାଗର ତରାଇ, ଶିବାନନ୍ଦ ପଲାଇ ଓ ଅନ୍ୟମାନେ ଉପସ୍ଥିତ ଥିଲେ l