ରାସ୍ତା ପାର୍ଶ୍ଵରେ ଓଲଟୀଲା ଅଟୋ, 8 ଆହତ, ମହିଳା ଗୁରୁତର
ଗଞ୍ଜାମ -ପ୍ରଦୀପ କୁମାର ପଣ୍ଡା
ଗଞ୍ଜାମ ଥାନା ଅନ୍ତର୍ଗତ 16ନମ୍ବର ଜାତୀୟ ରାଜପଥ ରେ lଛତ୍ରପୁର ବ୍ଲକ ସିନ୍ଦୁରପୁର ଗ୍ରାମରୁ ଏକ ବିଭାହ ଭୋଜି ଖାଇ ଫେରିଲା ବେଳେ ଗଞ୍ଜାମ ଥାନା ନିକଟରେ ରାସ୍ତl ରେ ଏକ ଅଟୋ ଓଲଟି ପଡିଥିଲା l ଫଳରେ ଅଟୋରେ ବସିଥିବା ଡ୍ରାଇଭରଙ୍କ ସମେତ ସମସ୍ତ 8 ଜଣ ଯାତ୍ରୀ ଆହତ ହୋଇଥିବା ଜଣାପଡିଛି l ସେଥିରୁ ସୁକାନ୍ତି ବେହେରା ନାମକ ଜଣେ ମହିଳା ଗୁରୁତର ଅଛନ୍ତି l ଖବର ପାଇ ଗଞ୍ଜାମ ଥାନା ଆଇଆଇସି ସନ୍ତୋଷ କୁମାର ବେହେରା ଏବଂଜାତୀୟ ରାଜପଥ ପେଟ୍ରୋଲିଙ୍ଗ ଅଫିସର ଦେବରାଜ ସାହୁ ପ୍ରମୁଖ ଘଟଣା ସ୍ଥଳରେ ପହଂଚି ତୁରନ୍ତ ଦୁଇଟି ଆମ୍ବୁଲାନ୍ସ ଯୋଗେ ଆହତଙ୍କୁ ମେଡିକାଲ ପଠେଇ ଥିଲେ l ଘଟଣା ସ୍ଥଳରୁ ମିଳିଥିବା ସୂଚନା ଅନୁଯାଇ ଛତ୍ରପୁର ଥାନା ଅନ୍ତର୍ଗତ ସିନ୍ଦୁରପୁର ଗ୍ରାମରୁ ଭୋଜି ଖାଇ ଅରୁଣ ପୁରକୁ ଦୁଇଟି ପରିବାର ଫେରୁଥିଲେ l ଆହତଙ୍କ ମଧ୍ୟରେ ତିନି ମହିଳା, ତିନି ପୁରୁଷ ଏବଂ ଦୁଇ ଜଣ ଶିଶୁ ଅଟୋରେ ଥିଲେ l ଅଟୋଟି ପ୍ରାୟ 10 ଫୁଟ ତଳକୁ ଓଲଟି ପଡ଼ିଥିଲେ ସୁଦ୍ଧା ଅଧିକ କ୍ଷତି ହୋଇ ନ ଥିବା ବେଳେ ଅଟୋଟି ସମ୍ପୂର୍ଣ ନଷ୍ଟ ହୋଇଯାଇଛି l ଡ୍ରାଇଭରଙ୍କ ବେପରୁଆ ଗାଡି ଚାଳନା ଯୋଗୁଁ ଏହି ଦୁର୍ଘଟଣା ଘଟିଥିବା ସେଠାରେ ଆଲୋଚନା ହେଉଛି l ଦୁର୍ଘଟଣା ପରେ କିଛି ସମୟ ପାଇଁ ରାସ୍ତାରେ ଗାଡି ଗୁଡିକ ଅଟକି ଯାଇଥିଲା l ଆଇଆଇସି ବେହେରା ସଙ୍ଗେ ସଙ୍ଗେ ଗାଡି ଗୁଡିକୁ ଛାଡିବା ବ୍ୟବସ୍ଥା କରିଥିଲେ l
