ଗାଁ ମହୋତ୍ସବ ହରିକେଶର ଉଦଘାଟିତ
ବୋଲଗଡ,୦୭/୦୨(ଉପାନ୍ତ ଓଡିଶା) :ବୋଲଗଡ ବ୍ଲକ ବଡ଼ କୁମାରୀ ଗ୍ରାମପଞ୍ଚାୟତ ଅନ୍ତର୍ଗତ ହରିକେଶର ଗ୍ରାମବାସୀ ଓ ସମ୍ପାଦକ ପ୍ରକାଶ କୁମାର ରାଉତରାୟଙ୍କ ମିଳିତ ଆବାହକତ୍ୱରେ ସୋମବାରଦିନ ଗାଁ ମହୋତ୍ସବ ହରିକେଶର ଅନୁଷ୍ଠିତ ହୋଇଯାଇଛି। ଏହି ମହୋତ୍ସବରେ ମୁଖ୍ୟଅତିଥିଭାବେ ବିଧାୟକ ତଥା ଖୋର୍ଦ୍ଧାଜିଲ୍ଲା ଯୋଜନାବୋର୍ଡ ଅଧକ୍ଷ ରାଜେନ୍ଦ୍ର କୁମାର ସାହୁ,ମୁଖ୍ୟବକ୍ତା ଭାବେ ବୋଲଗଡ ବ୍ଲକ ଅଧକ୍ଷ୍ୟା ହୁଲାସ ପ୍ରଧାନ ଓ ସମ୍ମାନିତ ଅତିଥି ଭାବେ ପ୍ରଫୁଲ୍ଲ କୁମାର ପ୍ରଧାନ, ବୋଲଗଡ ଏକ୍ସପ୍ରେସ ବ୍ରଜ ବିହାରୀ ସୁବୁଦ୍ଧି, ଜିଲ୍ଲା ପରିଷଦ ସଭ୍ୟ ସୁବାସ ଚନ୍ଦ୍ର ରାୟଗୁରୁ, ଚଳଚିତ୍ର ଅଭିନେତ୍ରୀ ଗୁଗୁଲି ପ୍ରମୁଖ ଯୋଗ ଦେଇଅଛନ୍ତି l ଉତ୍ସବର ପ୍ରାରମ୍ଭରେ ସମସ୍ତ ନିମନ୍ତ୍ରିତ ଅତିଥିମାନେ ଜଗତର ନାଥ ଜଗନ୍ନାଥଙ୍କ ନିକଟରେ ଫୁଲ, ଚନ୍ଦନ, ଧୂପ ଦୀପ ଦେଇ ପ୍ରଦୀପ ପ୍ରଜ୍ବଳନ କରି ଏହି ଉତ୍ସବକୁ ଶୁଭ ଉଦଘାଟନ କରିଥିଲେ l ଗ୍ରାମର ବାଳିକାମାନଙ୍କ ଦ୍ଵାରା ସ୍ୱାଗତ ସଙ୍ଗୀତ ପରିବେଷଣ କରିଥିଲେ।ମହୋତ୍ସବର ସମ୍ପାଦକ ପ୍ରକାଶ ଚନ୍ଦ୍ର ରାଉତରାୟ ସ୍ୱାଗତ ଭାଷଣ ଦେଇ ଅତିଥିପରିଚୟ ପ୍ରଦାନ କରିଥିଲେ। ଏହି ଗାଁ ମହୋତ୍ସବରେ ବିଭିର୍ଣ୍ଣ କଳାକାର ମାନଙ୍କ ଦ୍ଵାରା ଗାଁ ସଂକୀର୍ତ୍ତନ, ଦାସକାଠିଆ,ଘୁଡିକି, ଘୋଡାନାଚ, ସମ୍ବଲପୁରୀ ନୃତ୍ୟ ଓ ଦେଉଳି ସ୍ଥିତ ଶ୍ରୀ ରାଧାମାଧବ ସଂସ୍କୃତ ମହାବିଦ୍ୟାଳୟର ଛାତ୍ରୀମାନଙ୍କ ଦ୍ଵାରା ଆଧୁନିକ ନୃତ୍ୟ, ଆଦିବାସୀ ନୃତ୍ୟ ପରିବେଷଣ କରିଥିଲେ l ଏହି ମନୋରଞ୍ଜନ ଧର୍ମୀ ସାଂସ୍କୃତିକ କାର୍ଯ୍ୟକ୍ରମ, ଗାଁ ମହୋତ୍ସବର ଲୋକ କଳା, ପରମ୍ପରା ଓ ଐତ୍ୟକୁ ମନଭରି ଉପଭୋଗ କରିଥିଲେ। ପ୍ରଥମ କରି ହରିକେଶର ଗ୍ରାମରେ ଅନୁଷ୍ଠିତ ହୋଇଥିବା ଗାଁ ମହୋତ୍ସବ କୁ ଅନେକ ଦର୍ଶକ ଓ ଜନସାଧାରଣ ମନଭରି ଉପଭୋଗ କରିଥିଲେ l ଏହି ମହୋତ୍ସବ ଦୁଇ ଦିନ ଧରି ଅନୁଷ୍ଠିତହେବ ବୋଲି ଗାଁ ମହୋତ୍ସବ ପରିଚାଳନା କମିଟିର ସଦସ୍ୟ ଓ ସମ୍ପାଦକ ଶ୍ରୀ ରାଉତରାୟ ସୂଚନା ଦେଇଅଛନ୍ତି।ସମସ୍ତ ନିମନ୍ତ୍ରିତ ଅତିଥିମାନେ ଏହି ଗାଁ ମହୋତ୍ସବକୁ ଉଚ୍ଚ ପ୍ରଶଂସା କରି ଏହାର ବିକାଶ ହେଉ ବୋଲି କହିଅଛନ୍ତି।ପରି ଶେଷ ରେ ସମ୍ପାଦକ ପ୍ରକାଶ ଚନ୍ଦ୍ର ରାଉତରାୟ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।
(ରିପୋର୍ଟ -ସୁଶାନ୍ତ କୁମାର ପ୍ରଧାନ।)
