ଯୁବନେତା ବିକ୍ରମ ପଣ୍ଡାଙ୍କ ପକ୍ଷରୁ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ : ଖୁବଶୀଘ୍ର ଏକ ରାଜନୈତିକ ଦଳରେ ସାମିଲ ହେବାର ଦେଲେ ସଙ୍କେତ

ବାଲେଶ୍ୱର(ଶେଖ ନଜିମ):ନୂତନ ବର୍ଷ ୨୦୨୫ ଉପଲକ୍ଷେ ଯୁବନେତା ବିକ୍ରମ ପଣ୍ଡାଙ୍କ ପକ୍ଷରୁ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ଷ୍ଟେସନ କ୍ଲବ୍ ପରିସରରେ ଅନୁଷ୍ଠିତ ଏହି ସଭାରେ ବାଲେଶ୍ବର ସଦର ବିଧାନସଭା ନିର୍ବାଚନ ମଣ୍ଡଳୀର ପଂଚାୟତ ସ୍ତରୀୟ ଓ ୱାର୍ଡ ସ୍ତରୀୟ ନେତା ଉପସ୍ଥିତ ରହିଥିଲେ। ଉକ୍ତ ସଭାରେ ବିକ୍ରମ୍ ପଣ୍ଡା ଙ୍କ ନେତୃତ୍ଵ ପ୍ରତି ଆସ୍ଥା ପ୍ରକଟ କରିବା ସହ ଆଗାମୀ ପଂଚାୟତ ଓ ପୌର ନିର୍ବାଚନ କୁ ସଫଳତା ସହ ମୁକାବିଲା କରିବା ଲାଗି ମତ ବ୍ୟକ୍ତ କରିଥିଲେ ।ଏଥିସହ ଖୁବ୍ ଶୀଘ୍ର ଏକ ରାଜନୈତିକ ଦଳରେ ମିଶିବାକୁ ନିଷ୍ପତି ନିଆଯିବ ବୋଲି ଶ୍ରୀ ପଣ୍ଡା ସଙ୍କେତ ଦେଇଥିଲେ। ବିଧାନସଭା ନିର୍ବାଚନ ସରିବାର ପାଖାପାଖି ସାତ ମାସ ବିତି ଯାଇଥିଲେ ବି ନିର୍ବାଚନ ମଣ୍ଡଳୀ ର ଭାଗ୍ୟରେ କୌଣସି ପରିବର୍ତ୍ତନ ହୋଇନାହିଁ ବୋଲି ଶ୍ରୀ ପଣ୍ଡା ତାଙ୍କ ବକ୍ତବ୍ୟ ରଖିବା ସହ ସଦର ନିର୍ବାଚନ ମଣ୍ଡଳୀ ର ଅବସ୍ଥା କେବଳ ପୁରୁଣା ବୋତଲ ରେ ନୂଆ ମଦ ବୋଲି ନିଜ ଅଭିଭାଷଣ ରେ କହିଥିଲେ। ସଦର ନିର୍ବାଚନ ମଣ୍ଡଳୀ ର ସାମଗ୍ରିକ ବିକାଶ ଲାଗି ଆଗାମୀ ଦିନରେ ଗଣତାନ୍ତ୍ରିକ ଉପାୟ ରେ ଲଢେଇ କରାଯିବା ସହ ସମସ୍ତଙ୍କ ସାହାଯ୍ୟ ଓ ସହଯୋଗ କାମନା କରିଥିଲେ ଶ୍ରୀ ପଣ୍ଡା ।ଏହି ବନ୍ଧୁମିଳନ ଉତ୍ସବ ରେ ଉଭୟ ପଞ୍ଚାୟତ ଓ ପୌରାଞ୍ଚଳର ୨୦୦ ରୁ ଉର୍ଦ୍ଧ ନେତା ,କର୍ମୀ ,ଶୁଭେଛୁ ପ୍ରମୁଖ ଉପସ୍ଥିତ ରହିଥିଲେ।