ପ୍ରାଥମିକ ବିଦ୍ୟାଳୟରେ ବାର୍ଷିକ ଉତ୍ସବ

ତା, ୪/୪: କୋରାପୁଟ ଜିଲ୍ଲା କୁନ୍ଦୁରା ବ୍ଲକ ଆସନା ପଞ୍ଚାୟତ କଦମ୍ବବେଢ଼ା ପ୍ରାଥମିକ ବିଦ୍ୟାଳୟରେ ପ୍ରଥମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି l ଅତିଥି ପରିଚୟ, ପ୍ରଦୀପ ପ୍ରଜ୍ବଳନ ପରେ ଆରମ୍ଭ ହୋଇଥିଲା କାର୍ଯ୍ୟକ୍ରମ l ପ୍ରାଧାନ ଶିକ୍ଷୟିତ୍ରୀ ଚାରୁଲତା ଦଳେଇ ଅଧ୍ୟକ୍ଷତା କରିଥିଲେ l ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ନାଏବ ସରପଞ୍ଚ ରାମସିଂ ଗୌଡ଼, ମୁଖ୍ୟ ବକ୍ତା ଭାବେ ସାମାଜ ସେବୀ ସୁରେନ୍ଦ୍ର ସଗରିଆ ଏବଂ ସମ୍ମାନୀତ ଅତିଥି ଭାବେ ଏସ୍ ଏମ୍ ସି ସଭାପତି ମତିରାମ ନାୟକ,ପୂର୍ବତନ ପ୍ରଧାନ ଶିକ୍ଷକ ଅନନ୍ତ ରାଉଳ, ଏସ୍ ଏମ୍ ସି ସଦସ୍ୟ ରଘୁନାଥ ଗୌଡ଼, ତୁଳସୀରାମ ଗୌଡ଼, ବରିଷ୍ଠ ନାଗରିକ ଗୁରୁ ନାଥ ଶିଶିଆ,ପଖନାଗୁଡ଼ା ପ୍ରାଥମିକ ବିଦ୍ୟାଳୟ ପ୍ରଧାନ ଶିକ୍ଷକ ଦିଲ୍ଲୀପ କୁମାର ସାହୁ,ସହ ଶିକ୍ଷକ ଅର୍ଜୁନ ଖିଲ ପ୍ରମୁଖ ଯୋଗଦେଇ ଥିଲେ l ପାଠପଢ଼ା,ଖେଳକୁଦ,ବିଭିନ୍ନ ପ୍ରତିଯୋଗିତା ଓ ସାଂସ୍କୃତିକ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କ ପାରଦର୍ଶିତାକୁ ମୂଲ୍ୟାଙ୍କନ କରି ସେମାନଙ୍କୁ ଉତ୍ସାହିତ ଓ ମାର୍ଗଦର୍ଶନ ଦେବା ଉଦ୍ଦେଶ୍ୟରେ ଆୟୋଜିତ ହୋଇଥାଏ ଏହି ଉତ୍ସବ l ପାଠ ସହ ସାଠରେ ପ୍ରତିଯୋଗିତା ମନୋଭାବ ରଖି ଛାତ୍ର ଜୀବନରେ ସଫଳତା ହାସଲ କରନ୍ତୁ l ଉପାନ୍ତ ଓ ଅନୁନ୍ନତ ଅଞ୍ଚଳ ଏହି ବିଦ୍ୟାଳୟରୁ ଛାତ୍ରଛାତ୍ରୀ ବିଭିନ୍ନ ପ୍ରତିଯୋଗିତାରେ ବ୍ଲକ ସ୍ତରରେ ସଫଳ ହୋଇଛନ୍ତି ତାହା ପିଲା, ଅଭିଭାବକ ଗାଁ ତଥା ପଞ୍ଚାୟତ ପାଇଁ ବହୁ ଗର୍ବର ବିଷୟ I ଶିକ୍ଷାର ବିକାଶ ପାଇଁ ସରକାରଙ୍କ ପକ୍ଷରୁ ସମସ୍ତ ପ୍ରକାର ସୁବିଧା ଅଛି ତାହା ଉପଯୋଗ ଭଲ ପାଠ ପଢ଼ି ସମାଜରେ ଜଣେ ଭଲ ମଣିଷ ହେବାକୁ ଅତିଥି ମାନେ ନିଜ ନିଜ ବକ୍ତବ୍ୟରେ କହିଥିଲେ l ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପ୍ରଥମ,ଦିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀ ଏବଂ ବିଭିନ୍ନ ପ୍ରତିଯୋଗିତାରେ କୃତି ଛାତ୍ରଛାତ୍ରୀ ମାନଙ୍କୁ ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା l ଶେଷରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା l ସହ ଶିକ୍ଷକ ଶ୍ରୀ ସାହୁ ମଞ୍ଚ ପରିଚାଳନା ଓ ଧନ୍ୟବାଦ ଅର୍ପଣ କରିଥିଲେ l

କୋରାପୁଟ ଜିଲ୍ଲା ପ୍ରତିନିଧି ଶ୍ରୀ ହରିଶ କୁମାର ପଟ୍ଟନାୟକ ଙ୍କ ରିପୋର୍ଟ୍ ନ୍ୟୁଜ୍ ଉପାନ୍ତ ଓଡ଼ିଶା