ଆଗାମୀ ଦିନରେ କଂଗ୍ରେସ ର ହେବକି ପ୍ରତ୍ୟାବର୍ତ୍ତନ ? କଂଗ୍ରେସର ସମୀକ୍ଷା ବୈଠକ ..

ତିର୍ତ୍ତୋଲ

ଆଗାମୀ ନିର୍ବାଚନରେ ପ୍ରତ୍ୟାବର୍ତ୍ତନ କରିବକି ଜାତୀୟ କଂଗ୍ରେସ….

? ଏବେ ଠାରୁ ପଞ୍ଚାୟତ ବୁଲିଲେଣି ନେତା l ଗଢ଼ା ହେଉଛି ପଞ୍ଚାୟତ କମିଟି l ଲୋକେ କହିଲେଣି ଏଥର କଂଗ୍ରେସ ସୁନିଶ୍ଚିତ l ଏକଥା ଆମର ନୁହେଁ କହୁଛନ୍ତି ଜଗତସିଂହପୁର ଜିଲ୍ଲାର ତିର୍ତ୍ତୋଲ ନିର୍ବାଚନ ମଣ୍ଡଳୀର ଲୋକେ l ଜିଲ୍ଲାର ପ୍ରତ୍ୟେକ ପଞ୍ଚାୟତ ମଧ୍ୟରେ ଆୟୋଜିତ ହେଉଛି କଂଗ୍ରେସ ର ସମୀକ୍ଷା ଓ ପ୍ରସ୍ତୁତି ବୈଠକ l ଯୋଉଠି ଆଲୋଚନା ହେଉଛି କଂଗ୍ରେସର ପୁନଃ ୱାପସି ପାଇଁ ତୃଣମୂଳ ସ୍ତରରୁ ସାଙ୍ଗଠନିକ ମଜବୁତ l ଏହି ପରିପ୍ରେକ୍ଷୀରେ ତିର୍ତ୍ତୋଲ ବ୍ଲକ ଅନ୍ତର୍ଗତ କନିମୂଳ ପଞ୍ଚାୟତ ଅଧିନସ୍ତ ମତ୍ତଗଜପୁର ସ୍ଥିତ ସୁଧା ମଣ୍ଡପ ସଭାଗୃହରେ ଯୁବ ସମାଜସେବୀ ବେଦଦ୍ୟୁତି ପୃଷ୍ଟି ଙ୍କ ତତ୍ୱାବଧାନରେ ଆୟୋଜିତ ହୋଇଥିଲା ଏକ ସମୀକ୍ଷା ବୈଠକ l ଏହି ବୈଠକରେ ବ୍ଲକ କଂଗ୍ରେସ ର ଉପସଭାପତି ଧନଞ୍ଜୟ ସୁତାର ସଭାପତିତ୍ୱ କରିଥିବା ବେଳେ, ମୁଖ୍ୟ ଅତିଥି ଥିଲେ ଇଂ. ହିମାଂଶୁ ମଲ୍ଲିକ l ଅନ୍ୟ ମାନଙ୍କ ମଧ୍ୟରେ ଅଶୋକ କୁମାର ମହାନ୍ତି, ବାବା ଭାଇ, ବିଜୟ କୁମାର ପୃଷ୍ଟି, ନବୀନ ଭାଇ, ଅତାହର ଅଲ୍ଲୀ, ପପୁ ଭାଇ ପ୍ରମୁଖ ବରିଷ୍ଠ ଓ କନିଷ୍ଠ ଦାୟିତ୍ୱ ସମ୍ପନ୍ନ ରାଜନେତା l କନିମୂଳ ପଞ୍ଚାୟତର ସଭାପତି ଅଶୋକ କୁମାର ମହାନ୍ତି ସ୍ୱାଗତ ଭାଷଣ ଦେବା ପରେ ଆମନ୍ତ୍ରିତ ଅତିଥିମାନେ ନିଜନିଜର ପଞ୍ଚାୟତ ସମୀକ୍ଷା କରିବା ସହିତ ଆଗାମୀ ଦିନରେ କଂଗ୍ରେସ ର ବଳିଷ୍ଠ ନେତୃତ୍ୱ ପାଇଁ ସହଯୋଗ କରିବାର ଦୃଢୋକ୍ତି ପ୍ରଦାନ କରିଥିଲେ l ଶାସକ ସରକାର ଙ୍କ ହିଟଲରୀ ଶାସନ ଓ ନାରୀ ସୁରକ୍ଷା ବିଷୟରେ ସରକାର ଙ୍କ ଉଦାସୀନତା ପାଇଁ ତଥା କଂଗ୍ରେସ ଦଳର ବିଧାୟକ ମାନଙ୍କ ପ୍ରତି ହିଂସା ଆଚରଣ ବିରୁଦ୍ଧରେ ବ୍ଲକ ସ୍ତରୀୟ ଆନ୍ଦୋଳନ କୁ ସଫଳ କରାଇବାକୁ ମତ ପ୍ରକାଶ ପାଇଥିବାର ଦେଖିବାକୁ ମିଳିଥିଲା l ବୈଠକର ମୁଖ୍ୟ ଅତିଥି ଇଂ. ହିମାଂଶୁ ଭୂଷଣ ମଲ୍ଲିକ ଙ୍କ ଆହ୍ୱାନରେ ଜିଲ୍ଲାର ପ୍ରତି ନିର୍ବାଚନ କ୍ଷେତ୍ରରେ କଂଗ୍ରେସର ପ୍ରତ୍ୟାବର୍ତ୍ତନ ଜୋରଦାର ହେବ ବୋଲି ଚର୍ଚ୍ଚା ହେଉ ଥିବାର ଦେଖିବାକୁ ମିଳିଥିଲା l

ତିର୍ତୋଲ ରୁ ରଞ୍ଜନ କୁମାର ମଲ୍ଲିକ ଙ୍କ ରିପୋର୍ଟ ।