ପୋଖରୀ ପୁନଉଦ୍ଧାର ଦାବୀ କଲେ ବାଲିସାହି ବାସିନ୍ଦା

ଗଞ୍ଜାମ =ପ୍ରଦୀପ କୁମାର ପଣ୍ଡା

ଗଞ୍ଜାମ ଏନଏସି ଅନ୍ତର୍ଗତ ୱାର୍ଡ ନ 5 ବାଲିସାହିରେ ଦୀର୍ଘ ବର୍ଷ ହେବ ପୋଖରୀର ପୁନଃ ଉଦ୍ଧାର ହୋଇ ନଥିବା ଅଭିଯୋଗ ହୋଇଛି l ଏନଏସି ପ୍ରଶାସନକୁ ବାରମ୍ବାର ଅବଗତ କରାଯାଇଛି ହେଲେ କୌଣସି ସୁଫଳ ମିଳିନି ବୋଲି ସାହି ବାସିନ୍ଦା ଅଭିଯୋଗ କରିଛନ୍ତି l ସେହି ସାହିରେ ପ୍ରାୟ ଷାଠିଏରୁ ଉର୍ଦ୍ଧ ହରିଜନ ପରିବାର ବାସ କରୁଛନ୍ତି l ସେମାନେ ହରିଜନ ଜାତିର ହୋଇଥିବା ଯୋଗୁଁ ଅନ୍ୟ ଗାଁ ବା ସାହି ପୋଖରୀକୁ ଗାଧୋଇବାକୁ ଗଲେ ସେଠାରେ ଜାତିଆଣ ଭେଦ କଥା ଉଠୁଥିବା ବାଲିସାହିର ସୁରେନ୍ଦ୍ର ନାୟକ କହିଛନ୍ତି l ସାହି ବାରିପଟେ ଏକ ପୋଖରୀ ରହିଛି ଆଉ ତାହା ପ୍ରାୟ ଦଶ ବର୍ଷରୁ ଉର୍ଦ୍ଧ ହେବ ପାଣି ସୁଖୀ ଫାଟି ପଡି ରହିଛି l ଅନ୍ୟ ପଟେ ଜନସ୍ୱାସ୍ଥ୍ୟ ବିଭାଗ ପକ୍ଷରୁ ଯେତିକି ସମୟ ପିଇବା ପାଣି ଛଡା ଯାଉଛି ସେଥିରୁ ପିଇବାକୁ ପାଣି ନିୟଣ୍ଟ ପଡୁଛି ଆଉ ଗାଧୋଇବୁ କେମିତି ବୋଲି ସେହି ଗ୍ରାମର ସନ୍ତୋଷ କୁମାର ନାୟକ ପ୍ରଶ୍ନ କରିଛନ୍ତି l ବର୍ଷା ଦିନ ପୂର୍ବରୁ ଏହାକୁ ଖୋଳା ଯାଇ ଏହାର ପୁନଃ ଉଦ୍ଧାର କରାଯାଉ ବୋଲି ସାହି ବାସିନ୍ଦା ଦାବୀ କରିଛନ୍ତି l ଦାବୀ ପୂରଣ ନ ହେଲେ ବାଧ୍ୟ ହୋଇ ଆମେ ଆନ୍ଦୋଳନର ପନ୍ଥା ଗ୍ରହଣ କରିବୁ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି l