ଉମରକୋଟ ଠାରେ ଓଡ଼ିଆ ଭାଷାର ସୁରକ୍ଷା ପାଇଁ “ଉତ୍କଳ ପୂଜ୍ୟପୂଜା ପରିଷଦ” ମୁଖ୍ୟମନ୍ତ୍ରୀଙ୍କୁ ପ୍ରସ୍ତାବ ଦେଲା………..

ଊମରକୋଟ:-(ଏମ୍.ଦିନା°ଶୁ ଆଚାରୀ) ଓଡିଆ ଭାଷାର ସରକାରୀ ଓ ବେସରକାରୀ ସ୍ତରରେ ବ୍ୟବହାର ଦିନକୁଦିନ କମିଯିବାରୁ ଓଡ଼ିଶା ଭାଷା ଆଇନ – ୧୯୫୪ ର କାର୍ଯ୍ୟ କାରିତାରେ ସରକାର ଓ ପ୍ରଶାସନର ଆନ୍ତରିକତା ଅଭାବରୁ ଓଡ଼ିଆ ଭାଷା ଏବେ ଶଙ୍କଟରେ। ଏହାର ନିରାକରଣ ପାଇଁ ଓଡ଼ିଶାର ଅଗ୍ରଣୀ ସାମାଜିକ ଓ ସାହିତ୍ୟ ସଂଗଠନ “ଉତ୍କଳ ପୂଜ୍ୟପୂଜା ପରିଷଦ” ପକ୍ଷରୁ “ଓଡିଶା ଦିବସ” ଅବସରରେ ମୁଖ୍ୟମନ୍ତ୍ରୀ ଓ ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି ବିଭାଗ ମନ୍ତ୍ରୀ ଙ୍କୁ ୩୬ ଦଫା ସମ୍ବଳିତ ଏକ ପ୍ରସ୍ତାବ ପତ୍ର ମାନ୍ୟବର ବିଦ୍ୟାଳୟ ଓ ଗଣଶିକ୍ଷା ବିଭାଗ ମନ୍ତ୍ରୀ ଙ୍କ ଜରିଆରେ ଏହାର ପ୍ରତିଷ୍ଠାତା ବରିଷ୍ଟ ସମାଜସେବୀ ସମୀର କୁମାର ପ୍ରଧାନ ପ୍ରଦାନ କରିଛନ୍ତି ।ଏହି ପ୍ରସ୍ତାବରେ କୁହାଯାଇଛି ଯେ ଓଡ଼ିଆ ଭାଷା ର ସୁରକ୍ଷା ପାଇଁ ଏକ ସ୍ୱତନ୍ତ୍ର ଭାଷା ଆଇନ ବିଧାନ ସଭାରେ ଆସିବା ଆବଶ୍ୟକ। ପୁନଶ୍ଚ ଓଡ଼ିଆ ଭାଷା କୁ ରାଜ୍ୟର ସମସ୍ତ ସରକାରୀ କାର୍ଯ୍ୟ ରେ ବାଧ୍ୟତାମୂଳକ ବ୍ୟବହାର କରିବା, ଓଡ଼ିଆ ଭାଷା ପ୍ରତିଷ୍ଠାନ କୁ ସ୍ୱୟଂ ଶାସିତ କରିବା, ବିଦ୍ୟାଳୟରେ ଭାଷା ଶିକ୍ଷକ ନିଯୁକ୍ତି ସହିତ ମହାବିଦ୍ୟାଳୟ ଓ ବିଶ୍ବବିଦ୍ୟାଳୟ ରେ ଖାଲି ପଡିଥିବା ଓଡ଼ିଆ ଅଧ୍ୟାପକ ପଦବୀ ପୂରଣ, ଓଡ଼ିଶା ସାହିତ୍ୟ ଏକାଡେ଼ମୀର କାର୍ଯ୍ୟଧାରା ରେ ଆମୂଳଚୁଳ ପରିବର୍ତ୍ତନ, ବିଚ୍ଛିନ୍ନାଞ୍ଚଳରେ ଓଡ଼ିଆ ଭାଷା ର ସୁରକ୍ଷା, କାଳଜୟୀ ଓଡ଼ିଆ ପୁସ୍ତକର ସଂରକ୍ଷଣ ସହିତ ବିଭିନ୍ନ ଭାରତୀୟ ଓ ଆନ୍ତର୍ଜାତୀୟ ଭାଷାରେ ଅନୁବାଦ, ଓଡ଼ିଆ ଭାଷା ସମ୍ପର୍କରେ ବ୍ୟାପକ ଗବେଷଣା ଓ ଦଲିଲିକରଣ ସମେତ ଓଡ଼ିଶା ସରକାରଙ୍କ ସମସ୍ତ ୱେବସାଇଟର ଢାଞ୍ଚାଗତ ପରିବର୍ତ୍ତନ ସହିତ ଏହାକୁ ସୂଚନା ଓ ତଥ୍ୟ ଆଧାରିତ କରିବା ପାଇଁ ଶ୍ରୀ ପ୍ରଧାନ ଦାବି କରିଛନ୍ତି। ପ୍ରକାଶ ଥାଉକି ଶ୍ରୀ ପ୍ରଧାନ ଭାରତ ସରକାରଙ୍କ ତରଫରୁ ସମାଜସେବା ଓ ସଂସ୍କୃତି ସୁରକ୍ଷା କ୍ଷେତ୍ରରେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀ ଙ୍କ ଦ୍ଵାରା ସମ୍ବର୍ଧିତ ହୋଇଛନ୍ତି ଓ ରାଜ୍ୟ ସମାଜ ସେବା ପୁରସ୍କାରରେ ମୁଖ୍ୟମନ୍ତ୍ରୀଙ୍କ ଦ୍ୱାରା ସମ୍ମାନିତ ହୋଇଛନ୍ତି। ଶ୍ରୀ ପ୍ରଧାନ ଏକ ପ୍ରେସ ବିବୃତିରେ ଦର୍ଶାଇଛନ୍ତି ଯେ ବର୍ତ୍ତମାନ ର ଓଡ଼ିଶା ସରକାର ଲୋକଙ୍କ ସରକାର ହୋଇଥିବାରୁ ସାଧାରଣ ଲୋକେ ପଢି,ବୁଝି କହି ପାରୁଥିବା ମାତୃଭାଷା ଓଡ଼ିଆ ଭାଷାରେ ସମସ୍ତ ସରକାରୀ ଚିଠିର ଆଦାନ ପ୍ରଦାନ, ନିର୍ଦ୍ଦେଶନାମା, ସୂଚନା, ତଥ୍ୟ ପ୍ରଦାନ ଓ ବିଜ୍ଞାପନ ଆଦି କାର୍ଯ୍ୟ କଲେ ଶାସନ ବ୍ୟବସ୍ଥା ରେ ଆହୁରି ସ୍ୱଚ୍ଛତା ଓ ଉତ୍ତରଦାୟିତ୍ୱ ବଢ଼ିବ ଏବଂ ଓଡ଼ିଆ ଭାଷା ଦୀର୍ଘସ୍ଥାୟୀ ହେବ ପ୍ରକାଶ କରିଛନ୍ତି।